Samuel Rhaburn

Samuel „Sam“ Rhaburn (* 1944 in Crooked Tree; † 10. Juni 2018 ok dor) weer en Politiker ut Belize (UDP).

Rhaburn is 1944 in dat Dörp Crooked Tree boren. He weer later Corporal bi de Belize Police Force.

Na siene Tied in de Politik hett he as Bookhöller arbeidt.

Rhaburn is an’n 10. Juni 2018 in sien Huus in Crooked Tree doodbleven. Sien Truurfier weer an’n 14. Juni in de Baptist Church von Crooked Tree.

Rhaburn weer von 1983 bet 1986 Afornten in’n Stadtraad von Belize-Stadt.

He weer bi de Parlamentswahl in Belize 1984 Kannedaat för de UDP in’n Wahlkreis Belize-Land Noord un hett sik dor mit 55,9 % von de Stimmen gegen Fred Hunter von de PUP dörsett. Bi de Wahl 1989 weer he in’n sülven Wahlkreis wedder Kannedaat un hett mit 48,8 % von de Stimmen gegen Ewing Samuels von de PUP wunnen. Ok bi de Wahl 1993 weer he wedder von de UDP in’n Wahlkreis Belize-Land Noord opstellt, hett dütmaal aver mit 49,9 % gegen Maxwell Samuels von de PUP verloren. Samuels harr blots veer Stimmen mehr kregen as Rhaburn.

He weer dormit von’n 14. Dezember 1984 bet 30. Juni 1993 Afornten in dat Repräsentantenhuus von Belize. Ünner Premierminister Manuel Esquivel weer he von 1984 bet 1989 Viez-Minister in dat Butenministerium un dat Ministerium för Wertschopliche Entwicklung.

He hett sik in siene Tied as Afornten ünner annern för de Brügg över’n Belize River in Bermudian Landing insett, de denn in düsse Tied ok würklich boot worrn is.

2009 is he in’n Most Excellent Order of the British Empire opnahmen worrn.

1. ↑ Johnelle McKenzie: UDP mourns the death of former Minister Samuel Rhaburn, Love FM an’n 11. Juni 2018
2. ↑ The loss of Samuel Rhaburn MBE, The Guardian an’n 15. Juni 2018
3. ↑ Myrtle Palacio: Belize City Council Election Results 1962 to 2003