Salvador Fernández Moreda

Licenciado en ciencias económicas, en 1973 ingresou no PSOE e na UXT. Ostentou desde entón múltiples cargos, entre eles:

• Deputado no Congreso dos Deputados (1979-1996).
• Concelleiro na Corporación Municipal da Coruña desde 1987 até 2015. Concelleiro de Urbanismo do Goberno Municipal de 1995 a 2003.
• Presidente da Deputación Provincial da Coruña nos períodos 1989-1995 e 2003-2011.
• Senador na VI lexislatura (1996-2000) do Senado Español.
• Membro das Comisións de Orzamentos, Constitucional e Mixta do Defensor do Pobo, no Congreso dos Deputados.
• Membro da Comisión Xeral de Comunidades Autónomas.
• Membro da Comisión Executiva Federal do PSOE e responsábel da área de Política Autonómica entre 1981 e 1987.
• Membro do Comité Federal do PSOE.
• Membro de varias comisións executivas e do Comité Nacional do PSdeG-PSOE.
• Secretario de organización e vicesecretario xeral do PSdG-PSOE.
• Vicepresidente da Comisión de Urbanismo da FEMP.
• Membro do Consello Xeral da FEMP.
• Membro do Consello de Poderes Locais e Regionais do Consello de Europa
• Secretario Provincial do PSdeG-PSOE na Coruña.
• Membro do Consello de Administración da Autoridade Portuaria da Coruña.
• Patrón de IFECO (Instituto Feiral da Coruña).
• Membro da Comisión Galega de Cooperación.
• Membro da Comisión Superior de Urbanismo de Galicia.
• Patrón da Fundación Camilo José Cela.
• Patrón da Fundación Gonzalo Torrente Ballester.
• Patrón da Fundación Galicia Emigración
• Patrón da Fundación Democracia e Goberno Local
• Membro do Consello de Administración e da Comisión delegada de Caixa Galicia.
• Vicepresidente primeiro de Caixa Galicia de 2008 a 2011.

Recibiu ademais, os seguintes premios e condecoracións:

• Medalla de Ouro Sir John Moore.
• Medalla de Ouro de Cruz Roja Española.
• Medalla de Honra da Emigración (Ministerio de Traballo e Asuntos Sociais).
• Premio Economista do ano 2008.

Froito do seu paso por múltiples institucións pesan sobre el varias polémicas, especialmente a da súa responsabilidade nas licenzas outorgadas cando era concelleiro de urbanismo na Coruña ao predio Conde de Fenosa (sobre o que hai unha orde de derrumbamento parcial) e a súa presunta implicación na concesión de xubilacións millonarias a varios exdirectivos da desaparecida Caixa Galicia.

Ficha en galegos.galiciadigital.com

Predecesor: Xosé Manuel Romay Beccaría	Presidente da Deputación da Coruña  1989 − 1995	Sucesor: Augusto César Lendoiro
Predecesor: Xosé Luís Torres Colomer	Presidente da Deputación da Coruña  2003 − 2011	Sucesor: Diego Calvo Pouso