Quick Facts
Capricorn
Biography
Saioa Alkaiza Guallar (Iruñea, Nafarroa Garaia, 1991ko urtarrilaren 17a) nafar bertsolaria da, Nafarroako hainbat bertso eskolatan ibilitakoa, hamaika plazatan parte hartutakoa, baita Nafarroako Bertsolari Txapelketan ere. 2021eko Nafarroako Bertsolari Txapelketa irabazi zuen. 2022an Euskal Herriko Bertsolari Txapelketako finalaurrekoen bigarren itzulira iritsi zen.
Kazetaritzan lizentziatua, genero berdintasun eta antropologia masterrak dauzka. Kazetari aritu da hainbat hedabidetan: BERRIA, Nafarroako HITZA, Euskalerria irratia... Irrati horretako Sanfermintza saioan egindako elkarrizketa batek eman zion genero berdintasunaren kazetaritza saria (Kazetaritza Praktika Onen saria Iruñeko Udaleko Berdintasun alorrak emandakoa).
Bestalde, bertso jarriengatik hainbat aitortza jaso ditu: Iruñeko Bertso paper lehiaketa irabazi zuen, 2020ean eta 2021ean. Literaturari dagokionez, saritua izan da zenbait sariketetan: Iruñeko Udalak antolatutako Egile Berriendako Euskarazko Literatur Lehiaketan, narrazio alorrean, lehen (2020an eta 2021ean) eta bigarren (2019an eta 2017an) sariak eskuratu ditu ; 2022an, Bilboko Udalak antolatutako Gabriel Aresti narrazio lehiaketa irabazi zuen; eta 2023an, Geuretik Sortuak beka.
Bertsolari Txapelketak
- Nafarroako Bertsolari Txapelketa:
- Txapelduna (1): 2021
- Finalaurrekoak (6):2010,2011, 2013, 2015, 2017 eta 2019
- Bertsolari Txapelketa Nagusia:
- Finalaurreak (1): 2022
Sariak eta errekonozimenduak
- 2017 eta 2019: Egile berriendako euskarazko literatur sariketako bigarren saria.
- 2020: Kazetaritza Praktika Onen saria Iruñeko Udaleko Berdintasun alorrak ematen duena. Genero berdintasunaren kazetaritza saria.
- 2020: Iruñeko I. Bertso paper lehiaketa irabazi zuen.
- 2021:Iruñeko II. Bertso paper lehiaketa irabazi zuen.
- 2020 eta 2021: Egile berriendako euskarazko literatur sariketako lehen saria.
- 2022: Bilboko Gabriel Aresti errelato sariketan, lehen saria.
- 2023: 'Geuretik Sortuak' beka.
Erreferentziak
- ↑ Elkartea, Xenpelar Dokumentazio Zentroa-Bertsozale. «Saioa Alkaiza - Biografiak - BDB. Bertsolaritzaren datu-basea» bdb.bertsozale.eus .
- ↑ «"Heroismoak gehiago konektatzen zuen garai batean, baina niri populista egiten zait"» Argia .
- ↑ Guallar, Saioa Alkaiza. «Saioa Alkaiza Guallar» Berria .
- ↑ «Euskalerria Irratiko Saioa Alkaizarentzat, genero berdintasunaren kazetaritza saria - Iruñea» euskalerriairratia.eus .
- ↑ «Ekhi Rojok, Beñat Astizek eta Saioa Alkaizak irabazi dute Iruñeko I. bertsopaper lehiaketa - Iruñea» euskalerriairratia.eus .
- ↑ Gorraiz, Uxue Rey. ««Eguneroko gauza txikiek eginak gara»» Berria .
Kanpo estekak
