Quick Facts
Biography
Shiu Narayan Kanhai,Fiji ke ek unionist aur politician rahaa. Uu ek teacher rahaa aur bahut din talak Fiji Teachers Union (FTU) ke aapan yogdaan diis rahaa. Uu FTU ke General Secretary aur President bhi rahaa. 1977 ke pahila election me uu National Federation Party ke ticket se South Eastern Indian National Constituency se kharra bhais aur sab ke suprise kar ke ii seat ke jiit liis. Uske ii seat jiite ke khaas kaaran ii rahaa ki Kaiviti vote ke Fijian Nationalist Party split kar diis rahaa. Vote ke result rahaa:
- K. S. Reddy: 8942
- S. N. Kanhai: 9062
- Informal: 3378
1977 e duusra election me uu Dove Faction ke bagal se -Nasinu Vunidawa Indian Communal Constituency se kharraa bhais rahaa aur iske jiit liis rahaa.
Uske 1982 ke election ke khatir NFP ke ticket mila rahaa lekin election se pahile, March be uske maut hoe gais.