Quick Facts
LeoBiography
ريم فكري تولدات فنهار 22 غشت 2000 ف مدينة الدار البيضا، هيا مغنية و ممثلة مغربية ضهرات وتشهرات فالبدية فوسائل التواصل لإجتماعي اليوتيوب و فايسبوك. هاد الشهرة لي غاتخليها تدحل للعالم د لفن.
غاتبدا تسجل وتدوز تا فلقنوات لعمومية لمغربية فكل من قناة دوزيم وقناة اللولة. من بعد غادي تدخل فمشاركتها اللولة فلأعمال التلفزية، هاد لمشاركة لي بدات ف مسلسل مول لمليح لي داز فقناة دوزيم ف رمضان 2022. ولي دار ليه لإخراج لموخرج أيوب لهنود و لي شاركات فيه مع عدد من لمومتلين لمغاربة لمعروفين بحال: عبد الإله رشيد، ، سعيد باي، سعد موفق، فضيلة بنموسي، كوثر تيسية، صباح بنشويخ، زهيرة صديق، عزيزة مرودي، زينب عبيد، حسن بديدة و محمد الشوبي و فنانا خرين.
أغنية ستيلو ورقة كانت هي سويرتي الربح لي دخلها لعالم دالشهرة ولي دارتها ف كتوبر د عام 2021. ومن بين أهم لإنتاجات لي دارت، لمشاركة ديالها فأغنية ويلكام تو موروكو فلإفتتاحية د لموندياليتو 2022 لي داز فلمغرب وتنضم مابين مدينة الرباط ومدينة طنجة. لأغنية لي تنتجات ف فبراير من عام 2023، ولي دار ليها لإنتاج لمنتج لمغربي ريدوان. ولي شاركات فيها مع سميات معروفة ومشهورة بحال: ديزي دروس ولفنانة أسماء لمنور ولفنان الدوزي و لفنان حاتم عمور و نعمان بلعياشي و زهير بهاوي و أمينوكس.
من لأعمال دريم فكري
فتمتيل
- 2022 : مسلسل مول لمليح
فلغنا
- 2021 : ستيلو ورقة
- 2021: يا دنيا
- 2022: هو
- 2022: جينيريك مسلسل مول لمليح
- 2023: أغنية Welcome to Morocco فإفتتاح لموندياليتو 2022.
عيون لكلام
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |