Quick Facts
LibraBiography
Рыкин Роман Владимирович (11 октябрь 1974 йыл) — балет артисы. 1991 йылдан Башҡорт дәүләт опера һәм балет театры артисы. Башҡортостан Республикаһының халыҡ артисы (1993). «Терпсихора байрамы» (Баҡы, 1991) Бөтә Союз балет артистары конкурсы, «Арабеск» (Пермь, 1992), Лозанна (Швейцария, 1993), Будапешт (1994) һәм Джексон (АҠШ, 1995) ҡалаларында үткән халыҡ‑ара балет артистары конкурстары лауреаты; С. П. Дягилев исемендәге Халыҡ-ара йәш балет артистары конкурсы (1992, Мәскәү) дипломанты.
Биографияһы
Роман Владимирович Рыкин 1974 йылдың 11 октябрендә Өфөлә тыуған.
1993 йылда Өфө хореография училищеһын тамамлай (педагогы Шамил Тереғолов).
1991 йылдан Башҡорт дәүләт опера һәм балет театры солисы.
Училищены тамамлағандан һуң Англия милли балетында бейей, 1996 йылдан— «San-Francisco Ballet» труппаһында, 2003 йылдан алып — АҠШ-та «Boston Ballet Сompany» труппаһында
Партиялары
Зигфрид («Аҡҡош күле» П. И. Чайковский; 1993), Альберт («Жизель», А Адан), Үҫмер («Шопениана»), Йомағол («Сыңрау торна»), Базиль («Дон Кихот», Л. Ф. Минкус), хореографик миниатюралар А.Босов «Өс карта», Ю. А. Симакин музыкаһына, В. Усманов «Элегия» һәм «Гном» С. В. Рахманинов, М. П. Мусоргский музыкаларына.
Маҡтаулы исемдәре һәм башҡа бүләктәре
- Балет артистарының Бөтә союз «Терпсихора байрамы»конкурсы лауреаты (Баҡы, 1991)
- Балет артистарының Халыҡ-ара «Арабеск» конкурсы лауреаты (Пермь г., 1992), Лозанна (Швейцария, 1993), Будапешт (1994), Джексон (АҠШ, 1995) ҡалаларында
- 1992 йылда Мәскәүҙә С.П. Дягилев исемендәге йәш балет артистарының халыҡ-ара конкурсы дипломанты була.
- Башҡортостан Республикаһының халыҡ артисы (1993)
Һылтанмалар
- Рыкин Роман Владимирович // Башҡорт энциклопедияһы —Өфө:«Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9. (Тикшерелгән 26 сентябрь 2019)