Robert Abrahamyan

Ռոբերտ Աբրահամի Աբրահամյան (դեկտեմբերի 20, 1993(1993-12-20), Տափերական, Արարատի շրջան, Հայաստան - ապրիլի 10, 2016(2016-04-10)), զինվորական, սերժանտ, քառօրյա պատերազմի մասնակից։

Ծնվել է 1993 թվականի դեկտեմբերի 20-ին Արարատի մարզի Տափերական գյուղում։ 2010 թվականին ավարտել է տեղի դպրոցը և մեկ տարի անց զորակոչվել Հայաստանի զինված ուժեր, ծառայությունն անցնել է ԼՂՀ` Հադրութում։ 2013 թվականին, ծառայությունն ավարտելուց հետո աշխատելու նպատակով մեկնել է Ռուսաստան։ Ամուսնացել է և 2015 թվականին դեկտեմբերի 20-ին ծնվել է նրա առաջնեկը։ 2016 թվականի ապրիլի 1-ին՝ որպես պայմանագրային զինծառայող ծառայության է անցել խաղաղապահ զորքերում։ Կոչումով սերժանտ էր։

2016 թվականի ապրիլի 10-ին N զորամասի պահպանության տակ գտնվող մարտական դիրքում գլխի շրջանում ստացել է հրազենային մահացու վիրավորում։

Հետմահու ՀՀ նախագահի կողմից պարգևատրվել է «Մարտական ծառայություն» և ԼՂՀ նախագահի կողմից «Արիության համար» մեդալներով։

• Ռոբերտ Աբրահամի Աբրահամյան Արխիվացված 2018-03-19 Wayback Machine