René Hartmann

De René Hartmann, gebuer den 28. September 1909 zu Nanzeg an do gestuerwen den 13. Abrëll 1973, war e lëtzebuergesche Foussballspiller, Gewerkschaftler an LSAP- Politiker.

De René Hartmann huet vun 1924 un als Ajusteur op ARBED-Diddeleng geschafft, bis hien 1945 vollberuffleche Sekretär vum LAV ginn ass. Vun 1955 bis 1969 war hie Generalsekretär vun der Gewerkschaft fir d'Regioun Diddeleng-Westen.

Vun 1951 bis 1973 war de René Hartmann Member vum Diddelenger Gemengerot, fir d'éischt als Conseiller, dann, vum 1. Januar 1965 un, als Schäffen a vum 26. August 1965 u bis zu sengem Doud als Buergermeeschter.

Säi Virgänger war de Jean Fohrmann (1946-1965), säin Nofollger den Nicolas Birtz (1973-1984).

Vun 1968 bis 1975 war hien Deputéierten an der Chamber.

A senger Jugend war de René Hartmann e bekannte Foussballspiller; hien huet den 18. September 1938 fir déi lëtzebuergesch Foussballnationalekipp gespillt.

• B. Fayot, S. Hoffmann, J. Maas & R. Steil: 100 Joer sozialistesch Deputéiert an der lëtzebuerger Châmber: Dictionnaire biographique des députés socialistes à la Chambre des Députés. Edition La Mémoire Socialiste, Luxembourg 1997, 171 S. (René Hartmann: S. 59).
• Anonym, 2001. Personnagen: René Hartmann. Lëtzebuerger Journal 2001, Nr. 185 (28. September), S. 21.

1. ↑ D'Lëscht vun de Lännermatcher vum René Hartmann op der Websäit vun European Football