Rabi Narayan Rath

ରବି ନାରାୟଣ ରଥ, ପୁରୀ ତିଆଡିସାହିରେ ଜନ୍ମିତ, ଜଣେ ଜଣାଶୁଣା ଭାସ୍କର୍ଯ୍ୟ ଶିଳ୍ପୀ । ପ୍ରତିମୂର୍ତ୍ତୀ ଓ ପ୍ରତିକୃତି ନିର୍ମାଣଶିଳ୍ପୀ ଭାବରେ ସେ ତାଙ୍କର ବିଶେଷ ପରିଚୟ ରହିଛି । ଛୋଟବେଳୁ ଚିତ୍ର ଆଙ୍କିବା ଓ ମୂର୍ତ୍ତୀ ଗଢିବାରେ ତାଙ୍କର ଆଗ୍ରହ ରହିଥିଲା ଓ ପୁରୀର ବିଭିନ୍ନ ପର୍ବପର୍ବାଣିରେ ପ୍ରସ୍ତୁତ ଚିତ୍ରକଳା ତାଙ୍କୁ ବିଶେଷ ପ୍ରଭାବିତ କରିଥିଲା ।

ଶାନ୍ତି ନିକେତନରୁ ଲଳିତ କଳାରେ ସ୍ନାତକ ଓ ବରୋଦାର ଏମ୍.ଏସ୍. ବିଶ୍ଵବିଦ୍ୟାଳୟରୁ ସ୍ନାତକୋତ୍ତର ଶିକ୍ଷାଲାଭ କରିଥିବା, ରବି ନାରାୟଣ, "ରାଧାନାଥ ଉଚ୍ଚତର ଶିକ୍ଷା ଅନୁଧ୍ୟାନ ପ୍ରତିଷ୍ଠାନ"ରେ ଅଧ୍ୟାପନା ସହିତ, ଭୁବନେଶ୍ଵରଠାରେ ଅବସ୍ଥିତ, ସୁଭଦ୍ରା ଆର୍ଟ ଗ୍ୟାଲେରୀରେ ନିର୍ଦ୍ଦେଶକ ଭାବରେ କାର୍ଯ୍ୟ କରୁଛନ୍ତି । ସେ, ଓଡ଼ିଶା ଲଳିତ କଳା ଏକାଡେମୀର ସଚିବ ଭାବରେ ମଧ୍ୟ କାର୍ଯ୍ୟ କରିସାରିଛନ୍ତି । ଏଯାବତ, ସେ ୫୦୦ରୁ ଉର୍ଦ୍ଧ ପ୍ରତିମୂର୍ତ୍ତୀ ଓ ପ୍ରତିକୃତି ନିର୍ମାଣ କରିସାରିଛନ୍ତି । ବିଭିନ୍ନ ପ୍ରଦର୍ଶନୀ ଓ ଆର୍ଟ କ୍ୟାମ୍ପ୍ ମାଧ୍ୟମରେ, ସେ ଭାସ୍କର୍ଯ୍ୟ କଳାକୁ ଲୋକପ୍ରିୟ କରିବାକୁ ଚେଷ୍ଟା କଚିଛନ୍ତି ।

• ଓଡ଼ିଶା ଲଳିତ କଳା ଏକାଡେମୀ ସମ୍ମାନ - ୧୯୮୫
• ଶ୍ରୀକ୍ଷେତ୍ରଶ୍ରୀ ସମ୍ମାନ - ୨୦୦୨
• ଉତ୍କଳଶ୍ରୀ ସମ୍ମାନ - ୨୦୦୨
• ଥିଙ୍କ୍ ଓଡ଼ିଶା ଲିଡ଼ରସିପ ସମ୍ମାନ - ୨୦୧୪