Péter Huszti

Péter HUSZTI [husti], hungare Huszti Péter, Esperante Petro Huszti estas hungara aktoro kaj reĝisoro.

Péter Huszti naskiĝis, kiel Hendel Péter la 4-an de majo 1944 en Budapeŝto.

Péter Huszti frekventis aktoran ĉeflernejon en Budapeŝto, poste li komencis sian aktoran karieron en 1966 en Teatro Madách. Ekde 1974 li edukas en la aktora ĉeflernejo, en 1982 li plenumas altan rangon jam en la aktora universitato. En 2003 li aliĝis al trupo de Teatro Petőfi (Sopron). Li ricevis premion Kossuth en 1978, pli frue kaj poste ankaŭ aliajn premiojn. Li verkis 4 librojn kaj reĝisoradis almenaŭ 16 teatraĵojn.

• 26 filmoj inter 1966-1993, Mór Jókai: Fekete gyémántok (Nigraj diamantoj), 1976; Az élet muzsikája (Muziko de la vivo) (=vivo de Imre Kálmán), 1978
• 29 televiziaj filmoj (ankaŭ serioj) inter 1968-2002, ekzemple Az ember tragédiája (La tragedio de l' homo), 1969
• diversaj teatraj roloj, ekzemple William Shakespeare: Hamlet - titolrolo kaj Polonius; Othello - Jago; Reĝo Lear - titolrolo; Ibsen: Peer Gynt - titolrolo; Ferenc Molnár: A vörös malom (La ruĝa muelejo) Magister; Imre Madách: Az ember tragédiája (La tragedio de l' homo) Lucifer kaj Dio; –George Bernard Shaw: Pygmalion - Higgins; Edmond Rostand: Cyrano de Bergerac - titolrolo

• Hungara Vikipedio