Quick Facts
PiscesBiography
Pekka Mikšijev (ven. Пётр Григорьевич Микшиев) on Ven'an rahvahalline da Karjalan arvostettu artistu. Pekka Mikšejev ruadau Karjalan Kanzallizes teatras enämbi 55 vuottu. Mikšijev on Videlen karjalaine.
Rodivundu
Pekka Mikšijev on roinnuhes 14. kevätkuudu vuvvennu 1935 Videlen kyläs.
Opastundu
Vuvvennu 1957 Mikšijev loppi Leningruadan teatrualizen A. Ostrovskoin nimizen instituutan.
Ruado
Karjalan Kanzallizes teatras Pekka Mikšijev ruadau piäle viijenkymmenen viijen vuvven. Täh aigah on ozutettu monii kymmenii rouliloi, suadu kaččojien da suurien kriitiekoin arvostus. Pekka Mikšijevan rouliloin luvus on äijy karjalazen miehen roulii. Erähät niilöis oldih karjalakse ezitetyt.
Palkindot
- Vuvvennu 1972 Mikšijev sai K. Stanislavskoin palkindon Vasselein roulis “Otatko miut, Karjalan mua”.
- Pekka Mikšijev on monien toizien palkindoloin suannuh. Niilöin luvus Sampon, kanzoinvälizen Lambuška-festivualin da Onežskaja maska -palkindot.
- Vuvvennu 1972 Mikšijev sai Karjalan arvostettu artistu -arvonimen.
- Vuvvennu 2002 Mikšijev sai Ven'an rahvahalline artistu -arvonimen.
Yhteiskunnallizel alal
Omis juuris da omas kieles Videlen karjalaine Pekka Mikšijev on pyzynyh ainos. Häi on pannuh äijän vägie oman rahvahan kielen da kul'tuuran kehittämizeh. Juuri Pekka Mikšijev da hänen akkah Vieno Kettunen, kudaman kel on käzikkäi astuttu da eletty jo enämbi viittykymmendy viitty vuottu, oldih suamas Petroskoile oman rahvahan Oma Pajo -horua, oldih panemas rattahile Karjalan Rahvahan Liiton ruaduo.