Quick Facts
Biography
Pedro Álvarez Osorio Enríquez, primeiro Conde de Lemos, nado en 1410 e finado en febreiro de 1483, foi un nobre galego, un dos máis importantes do reino de Galiza durante o século XV.
Traxectoria
Señor de Cabrera e Ribeira e fillo de Alvar Pérez Osorio. Contraeu matrimonio o 16 de febreiro de 1433 coa súa tía Beatriz Henríquez de Castro, quen loitara para recuperar os títulos que o rei Xoán II de Castela confiscara ao seu irmán Fadrique.
O 26 de xuño de 1456 o rei Henrique IV de Castela estipulou por real carta, datada en Sevilla e dirixida á Casa de Lemos, que o título de conde de Lemos -anteriormente ligado ao de Trastámara e Sarria- pasase a ter carácter hereditario por real carta.
Un poema seu aparece recollido no Cancionero general de Hernando del Castillo (Valencia, 1511).
Matrimonios e descendencia
Casou dúas veces e tivo un fillo e catro fillas:
- Con Beatriz Henríquez de Castro tivo un único fillo, Alonso de Castro Osorio.
- Con María de Bazán tivo catro fillas, Juana Osorio, Constanza Bazán Osorio, María Osorio e Galaor Osorio.
Tivo tamén un fillo con María Constanza de Valcárcel, unha rapaza solteira e de orixe humilde, Rodrigo Enríquez de Castro Osorio e que sería o segundo conde de Lemos.
Notas
Véxase tamén
Bibliografía
- Calo, López Carreira, Carballo Carballo et al. (1997). Historia xeral de Galicia. Edicións A Nosa Terra. ISBN 84-89138-99-0.