Pasichat Dzjoekalaeva

Пасиха́т Джукала́ева (1881 шо, ЧӀаьнта, Нохчийчоь, Терски область, Российн импери — 2005 шо, Соьлжа-ГӀала, Нохчийчоь, Росси) — нохчийн дукха яхна зуда.

Цуьна вара кхо ваша а, йиъ йиша а. 19 шо кхечча иза маре яхара. Цера хилира ши кӀант а, йиъ йоӀ а.

1940-гӀа шераш долалуш Пасихат майра велира. Нохчий цӀера бохуш хенахь шело а, мацал а бахьнехь елира цуьнан жима йоӀ. Иза лортӀехь дӀаерзая а йиш ца хилира.

Казахстанехь иза Ӏийра Актюбински областехь Эмба гӀалахь. Цигахь велира цуьнан ши кӀант..

Пасихат 60 шо сов кхечча елира цьунна йоӀарех цхьаъ. Пасихатс цунах йисина 5 бутт кхечна йьӀ хьалакхиира.

1960-гӀа шерашкахь цуьнан цӀаерзара нисделира. Иза шен доьзаллаца Соьлжа-ГӀалахь Ӏан йолаелира.

2005 шарахь цуьнан берех жима йоӀ бен дина ца йисира. Оцу йоӀан цу хенахь 78 шо дара. Пасихате цу хенахь 9 бери бера а дара, 16 берий берий бера а, 10 берий берий берий бера а.

Цуьнан гергарчара схадицарехь, иза цкъа а цомгуш ца хилла. Жима йолуш иза хӀора динахь шовданехь а луьйчура, дегӀахь шила хи а кхорзура.

Цо хӀумнаш а тоьгура, ша чохь а, уьйтӀахь а цӀано а латтайора. Цунна хьена яа хӀума а, стоьмаш а, помдораш а, конфеташ а езара. Цо кӀезга яа хӀума юура, цкъа а дӀайижале ца юура. Буьйсанна хьалхе дӀа а южура, Ӏуьйренна хьалхе хьала а гӀоттура. Шена хилла цатам атта ловра.

• Валерия Подорожнова Три века одного человека.Российская газета (2005, 18 март).
• Саид Бицоев Главная бабушка планеты.Новые Известия (2003, 14 октябрь).
• Тимур Алиев 122-Year-Old Chechen Has Seen a Lot.The Moscow Times (2004, 17 февраль).
• Память.журнал «Дош».