Quick Facts
PiscesBiography
Փափագ Սուրենի Ալոյան (ԱԼՓԱ) (փետրվարի 28, 1951, Կիրովական (այժմ՝ Վանաձոր), Լոռի), հայ նկարիչ։
Կենսագրություն
1967 թ. ավարտել է Կիրովականի Ստեփան Աղաջանյանի անվան նկարչական դպրոցը։ 1972 թ. ավարտել է Երևանի Խաչատուր Աբովյանի անվան հայկական պետական մանկավարժական ինստիտուտի գեղագիտության ֆակուլտետի գեղանկարչության բաժինը։
1985-2001 թթ. աշխատել է Հայաստանի գեղագիտության ազգային կենտրոնի Վանաձորի մասնաճյուղում` որպես կերպարվեստի ուսուցիչ-խմբավար, այնուհետև` փոխտնօրեն։
2001 թվականից Վանաձորի կերպարվեստի թանգարանի տնօրենն է։
1996-2013 թ. Հայաստանի նկարիչների միության Վանաձորի նկարիչների բաժանմունքի պատասխանատու քարտուղար։ 2013 թվականից Հայաստանի նկարիչների միության Լոռու մարզի նկարիչների բաժանմունքի նախագահն է։
1975 թվականից մասնակցում է միջազգային, միութենական, հանրապետական և համաքաղաքային ցուցահանդեսների։
- 1987 թ.` ԽՍՀՄ նկարիչների միության անդամ։
- 1991 թ.` ՀՀ նկարիչների միության անդամ։
- 2011 թ.` Մոնրեալի միջազգային ինֆորմատիզացիայի ակադեմիայի անդամ։
Ցուցահանդեսներ
- 1984 թ. հոկտեմբեր, Կիրովական
- 1988 թ. մայիս, Երևան
- 1992 թ. հոկտեմբեր, Փարիզ
- 2001 թ. մայիս, Վանաձոր
- 2011 թ. հոկտեմբեր, Վանաձոր
Պարգևներ
- 2011 թ. ՀՀ մշակույթի նախարարության ոսկե մեդալ
Մշակութային գործունեություն
Գեղանկարիչ-բանաստեղծ Փափագ Ալոյանն իր շուրջ 40 տարվա մանկավարժական գործունեությունը,
ստեղծագործելը, պաշտոնավարելը, վեր է ածել յուրօրինակ նվիրումի` հանրապետությանը ծառայելով որպես գեղագետ ու լավագույն արժեքների պահպանման, զարգացման գործի անդավաճան նվիրյալ։
1972 թ. Ավարտելով Երևանի Խ. Աբովյանի անվան մանկավարժական ինստիտուտի մշակույթի ֆակուլտետի գեղանկարչական բաժինը՝ Փ. Ալոյանը մանկավարժական գործունեություն է սկսում Վանաձորի հանրակրթական ոլորտում և
1995 թ. դառնում Հայաստանի գեղագիտության ազգային կենտրոնի Վանաձորի մասնաճյուղի հիմնադիր անդամներից ու գեղարվեստի առաջին ուսուցիչներից մեկը։ 1975 թ. ի վեր, մասնակցելով միջազգային, միութենական, հանրապետական ցուցահանդեսների, բազմիցս ունենալով իր անհատականը, Փ. Ալոյանը փաստեց, որ Լոռու բնաշխարհում ապրում և ստեղծագործում է հայրենի եզերքն իր գունաշխարհով գովերգող բարձրարվեստ գեղանկարիչ։
Նրա կտավներում (բնանկարներ, նատյուրմորտներ, դիմանկարներ և այլն) էական հատկանիշները հառնում են ներքին ոգեղենությամբ ու տարերքի ուժգնությամբ՝ համեմվելով, որքան էլ զարմանալի է, գունային մեղմ տոներով, համանվագ ինքնալրացմամբ։
1990 թ. հեղինակելով Ռուսաստանի Ադլեր քաղաքում տեղադրված «Հայոց անմեղ զոհերի անմար հիշատակին» խաչքար-հուշարձանը,
նպաստում է հայ համայնքի գործունեությանը, հատկապես հայեցի կրթության ու դաստիարակության բնագավառում։
Ստեղծագործական և աշխատանքային ակտիվ գործունեության արդյունքում կազմակերպվեցին բազմաթիվ խմբային և անհատական ցուցահանդեսներ՝ արվեստասերներին հաղորդակից դարձնելով ոչ միայն տեղի, այլև մայրաքաղաքի, շրջանների, սփյուռքի նկարիչների գործերին։2001 թ. Հրատարակված «Անթեղ» բանաստեղծությունների ժողովածուն փաստեց, որ ի դեմս Փ. Ալոյանի ունենք նաև գողտրիկ բանաստեղծությունների հեղինակի։ Արվեստագետի ավանդը մինչև այժմ գնահատվել է տարբեր ատյաններից շնորհված պատվոգրերով, դիպլոմներով, շնորհակալագրերով, իսկ 2011 թ. Հունիսին Փափագ Ալոյանն ընտրվեց Միջազգային Ինֆորմատիզացիայի ակադեմիայի իսկական անդամ (Մոնրեալ)։ Այսօր էլ նա լի է ստեղծագործելու և հասարակական մանկավարժական գործունեությամբ իր բեղմնավոր աշխատանքը շարունակելու ավյունով։ Նրա բազմաթիվ գեղանկարչական աշխատանքներ լրացնում են աշխարհի տարբեր երկրների հավաքածուները։
Ալբոմներ և գրքույկներ
- 2001 թ. հրատարակվել է նրա «Անթեղ» բանաստեղծությունների գրքույկը։
- 2011 թ. նկարչի 60-ամյակի կապակցությամբ հրատարակվել է ալբոմ, ուր զետեղված են հեղինակի ստեղծագործական գործունեության տարբեր ժամանակների գեղանկարչական և գրաֆիկական աշխատանքներ, բանաստեղծություններ ու ասույթներ։
Նրա բազմաթիվ գեղանկարչական աշխատանքներ լրացնում են աշխարհի տարբեր երկրների հավաքածուները։
Մեջբերումներ Փափագ Ալոյանի մասին
«Մենք հպարտ ենք քեզնով, սիրելի Փափագ»։
Պրոֆ. Ազատ Վարդանյան
Ինֆորմատիզացիայի միջազգային Ակադեմիայի նախագահ, Մոնրեալ/Կանադա
«Փափագի արարած գեղանկարի սիմֆոնիան շռայլ գունախաղերով մխրճվում է կախարդված դիտողի հոգու գաղտնարանները` նրան փոխանցելով Վարպետի մաքրասուրբ երևակայության սավառնումների շլացուցիչ էներգիան…»
Մ. Միրիջանյան
Արահետ ամսագրի գլխավոր խմբագիր
«ԱԼՓԱ –ի կտավներում էական հատկանիշները հառնում են ներքին ոգեղենությամբ ու տարերքի ուժգնությամբ` համեմվելով, որքան էլ զարմանալի է, գունային մեղմ տոներով, համանվագ ինքնալրացմամբ։»
Սամվել Խալաթյան
Դրամատուրգ, ՀՀ մշակույթի Վաստակավոր գործիչ
«…ԱԼՓԱ-ի կտավներում հայրենի եզերքի հետ հանդիպման ջերմությունն ակամա փոխանցվում է դիտողին, և կարծես ճամփորդում ենք նրա հետ՝ ինքնուրույն բացահայտելով հրաշք բնաշխարհի ձգողական գեղեցկության նորանոր գաղտնիքները… Նրա ստեղծագործությունները լի են լույսով և դրական էներգիայով։ Կոմպոզիցիոն լուծումները, հագեցած գունագամման, մտածողության արտահայտչականությունը, հեղինակի անհատական լեզուն, տաք և սառը երանգների խաղը ծնում են աներևակայելի ԼՈՒՅՍ։ Նկարչի որոշ գործեր ասես գեղանկարչական նովելներ լինեն, որտեղ շռայլորեն միահյուսվում են երաժշտությունն ու պոեզիան…»
Ռուզաննա Մխիթարյան
Վանաձորի կամերային երգչախմբի և Գուգարաց թեմի Ս. Նարեկացի եկեղեցու հոգևոր երգչախմբի Գեղարվեստական ղեկավար
«Իմ տան պատին փակցված փոքրիկ նկարից մի մեծ, շատ մեծ աշուն է ինձ հառնում; Աշունները գալիս ու գնում են, աշունների գույները խամրում են, բայց միշտ վառ ու գունեղ են իմ նկարի աշնան գույները։ Իմ նկարում աշունն ասես փթթում է, փոթորկվում ու ինքն իրենից ելնում է։ Իմ նկարի աշունն ասես ինձ հետ խոսում է իմ ընկերոջ` գեղանկարիչ Փափագ Ալոյանի հանգով, նրա արարած գույներով, ու մենք ներդաշն զրույցի մեջ ենք հավետ…»
Գագիկ Անտոնյան
Կանաչ Լոռի բնագիտական, բնապահպանական ամսագրի գլխավոր խմբագիր
Պատկերասրահ
«Իմ կտավներում գույնից առաջ ջերմություն կա…»
ԱԼՓԱ
Հեքիաթ, կտավ, յուղաներկ, 53 x 56 սմ
Լամբրոնի ամրոցը, Կիլիկիա, կտավ, յուղաներկ, 70 x 55 սմ, 2009
Լոռի, կտավ, յուղաներկ, 2009
Աշնանային Էքսպրոմտ, կտավ, յուղաներկ, 54 x 41 սմ
Դաշտային ծաղկաթիթեռներ, կտավ, յուղաներկ, 82 x 64 սմ
Դաշտային ծաղիկներ, կտավ, յուղաներկ, 60 x 46 սմ, 2008
Անիի բերդի ավերակները, կտավ, յուղաներկ
Արյուն և փետուր, կտավ, յուղաներկ, 68 x 56 սմ, 1999
Առավոտ, կտավ, յուղաներկ, 70 x 55 սմ, 2009
Լուսնալույսի մեղեդին, կտավ, յուղաներկ, 80 x 60 սմ
Աշնանային Էքսպրոմտ, 19.5 x 22 սմ, 2009
Վարդեր իմ այգուց, կտավ, յուղաներկ, 80 x 60 սմ
Առավոտ, կտավ, յուղաներկ, 20 x 30 սմ, 2008
Վանաձոր, կտավ, յուղաներկ, 2006
Լուսինը հակառակ կողմից, կտավ, յուղաներկ, 60 x 75 սմ
ԱՌԱՎՈՏ, կտավ, յուղաներկ, 41 x 54 սմ
ԳԱՐՈՒՆ 1, կտավ, յուղաներկ, 77 x 65 սմ
ԳԱՐՈՒՆ 2, կտավ, յուղաներկ, 77 x 65 սմ
ԳԱՐՈՒՆ 3, կտավ, յուղաներկ, 77 x 65 սմ
ՄՇՈՒՇՈՏ ԱՌԱՎՈՏ, կտավ, յուղաներկ, 41 x 45 սմ
ՏԱՐԵՐՔ, կտավ, յուղաներկ, 45 x 61 սմ
ՔԱՐԱԲԵՐԴԻ ԼԵՌՆԵՐՈՒՄ, կտավ, յուղաներկ, 50 x 60 սմ
ՄԱՅՐՍ, թուղթ, թանաք, 10 x 13 սմ
ԻՆՔՆԱՆԿԱՐ 1, թուղթ, մոմ, թանաք, 24 x 18 սմ
ԻՆՔՆԱՆԿԱՐ 3, թուղթ, տուշ, 24 x 18 սմ
ԼՈՒԻԶԱՆ, թուղթ, մոմ, գրիչ, 24 x 18 սմ
ԹԱԳՈՒՀԻՆ, համակարգչային գրաֆիկա, 13 x 18 սմ
ՊԱԳԱՆԻՆԻ, լինոփորագրություն, 35 x 24 սմ
ՀԻՇՈՂՈՒԹՅՈՒՆ, կտավ, յուղաներկ, 93 x 69 սմ
