Quick Facts
PiscesBiography
Пётр Мікалаевіч Герасімовіч (12 сакавіка 1912, в. Танежыцы, Слуцкі раён — 20 красавіка 1990) — беларускі мастак-графік і мастацтвазнавец.
Біяграфія
Нарадзіўся ў вёсцы Танежыцы Слуцкага павета. У 1933 годзе скончыў Віцебскі мастацкі тэхнікум, вучыўся ў І. Ахрэмчыка і У. Хрусталёва. Да 1941 г. выкладаў маляванне ў Мазырскім педтэхнікуме.
Удзельнік Вялікай Айчыннай вайны. Пасля вайны працаваў у Дзяржаўным мастацкім музеі БССР, з 1954 па 1982 гг. — на пасадзе загадчыка аддзела рускага і беларускага мастацтва Дзяржаўнага мастацкага музея БССР. Сябра Беларускага саюза мастакоў з 1956 г.
Творчасць
Творчыя работы выкананы пераважна ў тэхніцы лінагравюры, з іх найбольш вядомы «Год 1919», «Год 1930», партрэты Я. Купалы і Я. Коласа (1981), партрэт мастака В. Бялыніцкага-Бірулі. Працаваў у галіне экслібрысу.
Аўтар прац па беларускаму выяўленчаму мастацтву: «Изобразительное искусство Белорусской ССР» (у сааўтарстве, М. 1957), «Дзяржаўны мастацкі музей БССР» (у сааўтарстве, Мн. 1976), «Нацюрморт» (Мн. 1982), «Мастацтва, народжанае Кастрычнікам», манаграфіі пра мастакоў Я. А. Зайцава (М. 1958) і А. М. Тычыну (Мн. 1961).
Яго творы знаходзяцца ў зборы Нацыянальным мастацкім музеі Беларусі.
Зноскі
- ↑ Слуцкая палитра: Из фондов Слуцкого краеведческого музея: фотоальбом / сост., авт. текста Н. Г. Серик; фото В. А. Сибрикова. — Минск: Літаратура і Мастацтва, 2010. — С. 6. — 64 с.
- ↑ Герасімовіч Пётр Мікалаевіч
Літаратура
- Ціткоўскі І. А. «Мастакі Случчыны» (Слуцк. 2006)
- Государственные архивы Республики Беларусь (1944—1997) : краткий справочник. ― Минск, 2000. (1Н//210538(039))
- Беларускі саюз мастакоў, 1938—1998 : энцыклапедычны даведнік. — Мінск, 1998.
Спасылкі
Нарматыўны кантроль | |
|---|---|
Нарматыўны кантроль |