Quick Facts
Biography
Otto Kristian Hiorth (8. november 1850–15. mai 1906) var ein norsk lege og politikar frå Trondheim.
Hiorth vart student i 1869 og var cand.med. frå Det Kongelige Frederiks Universitet i 1876. Dei fylgjande 17 åra hadde han ei rad legestillingar, mellom anna som privatlege i Vågå 1877–79 og i Rakkestad 1879–83, samt distriktslege i Ytre Nordfjord 1883–92 med bustad i Selje. I 1892 vart han distriktslege i Levanger, der han engasjerte seg sterkt for betre pleieforhold for tuberkuløse. Etter bybrannen i 1897 fekk Hiorth i oppgåve å leie oppbygginga av dei hygieniske tilhøva i byen.
Hiorth var fleirårig medlem av Levanger bystyre, der han var ordførar i 1901. Han var også 1. vararepresentant til Stortinget frå valkrinsen Trondhjem og Levanger 1904–06; seinhaustes 1904 møtte han i fire veker for Bernhard Brænne, og sidan for Andreas Berg frå 20. januar 1906 til Hiorth sjølv døydde.
Hiorth døydde av hjartesvikt under stortingssamlinga i Kristiania våren 1906.
Kjelder
- Lindstøl, Tallak:Stortinget og Statsraadet 1814-1914. Kristiania, 1914