Quick Facts
Biography
Otto Carl Bruno von Hohnhorst (* 28. Oktober 1822 in Lümborg; † 17. Februar 1886 in Isenhagen) weer en düütschen Verwaltungsbeamten.
Von Hohnhorst is 1822 as Söhn von Caroline, borene von Schulte (10. September 1790–6. Dezember 1869), un Georg Adolf von Hohnhorst (2. November 1774–14. Januar 1843) in Lümborg boren. He hett Juristeree studeert un is na dat Studium in’n hannöverschen Staatsdeenst gahn. 1858 weer he Amtsassesser bi dat Amt Allefelle. Denn is he bet 1867 Amtsassesser bi dat Amt Fambossel ween un 1867 Amtshauptmann von dat Amt Bargen worrn. Dat is he bleven, bet de Ämter 1885 oplööst worrn sünd. In de Tied üm 1882 hett he för en Tied ok de Amtsgeschäften in dat Amt Soltau mit övernahmen.
To’n 1. April 1885 is he Landraad von’n Kreis Isenhagen worrn. Dat is he bet to sien Dood in’n Februar 1886 bleven.
He hett an’n 20. September 1856 in Bückeborg Eleonore Freiin Vincke (2. Dezember 1831–25. April 1906; Dochter von Ludwig von Vincke) freet. De beiden harrn de Kinner Günther (19. Mai 1863–4. Oktober 1936), Ernst (18. Mai 1865–1. Mai 1940), Ludwig (15. August 1866–27. Oktober 1914) un Luise (26. Juli 1872–20- Oktober 1935).