Quick Facts
Biography
Bardd a llenor Cymreig o'r Felinheli yw Osian Wyn Owen.
Barddoniaeth
Fis Hydref 2018, cymerodd ran yn Her 100 Cerdd Llenyddiaeth Cymru ar y cyd â Manon Awst, Caryl Bryn a Morgan Owen. Graddiodd â BA o Ysgol y Gymraeg, Prifysgol Bangor yn 2018, cyn dechrau astudio am radd MA yno.
Derbyniodd nawdd o gronfa Barddas er cof am y Prifardd Gerallt Lloyd Owen ym Mai 2019 i fynychu cwrs ar y gynghanedd yng Nghanolfan Ysgrifennu Tŷ Newydd.
Cystadlu
Enillodd ei gadair gyntaf yn Eisteddfod Aelhaearn yn Nhachwedd 2017. Ef oedd enillydd y Gadair a'r Goron yn Eisteddfod Ryng-golegol Llanbedr Pont Steffan 2018. Yn ystod yr un flwyddyn, aeth yn ei flaen i gipio'r Gadair yn Eisteddfod Genedlaethol yr Urdd, Brycheiniog a Maesyfed, am ddilyniant o gerddi serch ar y testun 'Bannau' Daeth yn agos i'r brig eto y flwyddyn ddilynol, wrth iddo ddod yn drydydd am gadair Eisteddfod Genedlaethol yr Urdd Caerdydd a'r Fro 2019, un o dri oedd yn deilwng yn y gystadleuaeth. Enillodd brif wobr farddoniaeth Eisteddfod-T, eisteddfod ddigidol yr Urdd a gynhaliwyd yn 2020 yn ystod y pandemig COVID-19. Daeth yn drydydd yng nghystadleuaeth y Prif Lenor yr yr un eisteddfod.
Cyfeiriadau
Dolenni allanol
- Osian Owen ar Twitter