Orkhan Valiyev

Orxan Vəliyev (22 aprel 1987, Çəmbərək rayonu) — azərbaycanlı alim, tədqiqatçı, filosof, siyasi elmlər üzrə fəlsəfə doktoru.

Orxan Vəliyev 22 aprel 1987-ci ildə Ermənistan SSR-nin Göyçə mahalında anadan olmuşdur. O, orta təhsilini Gəncə şəhərində almış, 2005-ci ildə Bakı Dövlət Universitetinin Sosial elmlər və Psixologiya fakültəsi fəlsəfə ixtisasına qəbul olmuşdur. 2009-cu ildə oradan fəlsəfə ixtisası üzrə məzun olduqdan sonra Vəliyev 2012–2014-cü illərdə Azərbaycan Respublikasının Prezidenti yanında Dövlət İdarəçilik Akademiyasında politologiya üzrə magistr təhsili almışdır. O, Vəliyev Türkiyə Respublikası təqaüdü hesabına Türkiyənin Sakarya Universitetinin Siyasi Elmlər Fakültəsinin Siyasi Elm və Dövlət İdarəçiliyi Kafedrasında doktorantura təhsili almış, 2020-ci ildə "Çarlıq Azərbaycanın Millətləşmə Prosesi: 1850-1920" başlıqlı doktorluq işini yekdilliklə müdafiə edərək siyasi elmlər üzrə fəlsəfə doktoru elmı adını almışdır. O, 2021-ci ildə Türkiyə Respublikası təqaüdü hesabına Trakya Universitetində Professor Nebi Mehdiyevin "Bir Bilme Teorisi" nəzəriyyəsi əsasında "Tarix və Bilik: Azərbaycan Millətçiliyinin Epistemik Təhlili" başlıqlı posdoktorantura tədqiqatı aparmışdır. Vəliyevin Azərbaycan millətquruculuğuna dair türk və Azərbaycan dilində nəşr edilən monoqrafiyası müvafiq sahə üzrə nəşr edilmiş ilk kitabdır.

Orxan Vəliyev Xəzər Universiteti siyasi elmlər və fəlsəfə departamentinin müəllimi və müdiri vəzifəsində çalışır. Khazar Journal of Humanities and Social Sciences jurnalının redaktor müavindir.

Kitablar

• Azerbaycan'da Milliyetçilik Ulusun ve Ulus-Devletin Oluşumu, Ankara, Türkiye Notları Yayınevi, 2020, 232 s.
  • Tərcüməsi: Azərbaycan Millətçiliyi, Bakı, Milliyyət Araşdırmalar Mərkəzi, 2021, 200 s.

Tərcümələr

• Hrox, M. (1995). Milli Özünüidarəetmənin Tarixi Bir Çərçivədən Dəyərləndirməsi (National Self-Determination from a Historical Perspective), Canadian Slavonic Papers / Revue Canadienne des Slavistes, 37(¾), 283–299, İstiqlal, 2018, 73–91 s.

Məqalələr