Olga Haselbeck

Olga Haselbeck, laŭ hungarlingve kutima sinsekvo (kaj pli komplete) Haselbeck Olga Mária estis hungara operkantisto (mezosoprano, soprano). Ŝia geedziĝa nomo estis László Gézáné.

Olga Haselbeck [1] naskiĝis la 19-an de februaro 1884 en Budapeŝto, ŝi mortis la 16-an de oktobro 1961 en Budapeŝto.

Olga Haselbeck lernis kantoteknikon en Budapeŝto, Milano kaj Bayreuth. Ŝi ricevis stipendion en 1908 en Budapeŝta Ŝtata Operejo. En la sekva jaro ŝi debutis en la Operejo kiel Santuzza (Pietro Mascagni: Cavalleria rusticana). En 1914 ŝi edziniĝis. En 1919 ŝi estis Judit en premiero de Béla Bartók: Burgo de la Blubarbulo. Ŝi ofte kantis ankaŭ en Berlino kaj en aliaj gravaj urboj. En 1932 ŝi retiriĝis, en 1948 ŝi estis nomumita eterna membro de la Operejo.

• Béla Bartók: Burgo de la Blubarbulo - Judit
• Pietro Mascagni: Cavalleria rusticana - Santuzza
• Giuseppe Verdi: Aida - Amneris
• Richard Wagner:
  • Lohengrin – Ortrud
  • Tristan und Isolde - virina ĉefrolo
  • Der Ring des Nibelungen – Brünnhilda

• busto en Budapeŝto

• hungarlingva biografio
• hungarlingva biografio kun foto
• hungarlingva biografio
• hungarlingva biografio kun fotoj
• [1] germane