Ole Thorgrimsen Fennefoss

Ole Torgrimsson Fennefoss (1777–1842) var ein norsk gardbrukar og stortingsmann frå Bygland i Aust-Agder.

Fennefoss var son til ein gardbrukar på Hurverak i Årdal sokn i Bygland. Sjølv var han gardbrukar på Fennefoss i Bygland frå 1816? då han gifta seg med ei enkje på garden. I 1824 var han 1. representant frå Nedenes og Robygdelagets amt på Stortinget, der han var medlem av komiteen for jordbruk og fedrift. Tolv år seinare vart han vald til 3. varamann til Stortinget.

Fennefoss var ein kjend haugianar.

Han døydde på garden sin i 1842.