Quick Facts
ScorpioBiography
Olatz Peon Ormazabal (Tolosa, Gipuzkoa, 1969ko azaroaren 21a) gipuzkoar gizarte langilea eta politikaria da, EAJko kidea. 2015etik 2023ra arte Tolosako alkatea izan zen. 2023tik aurrera eusko legebiltzarkidea da.
Ibilbidea
Gizarte Langintzan diplomatua da Euskal Herriko Unibertsitatean. Donostiako Udalean lan egindakoa da.
2003ko udal hauteskundeetan EAJren zerrendan aurkeztu zen, eta ordutik Tolosako Udaleko zinegotzia izan da. Jokin Bildarratz alkate zela, 2007-2011 legealdian Tolosako alkateorde, Obra, Zerbitzuak, auzoak eta landa auzoetako arduraduna izan zen, eta Tolosaldeako Mankomunitatearen presidente. 2011ko hauteskundeen ondoren Bilduk lortu zuen alkatetza, eta beraz legealdi horretan oposizioko zinegotzia izan zen.
2015eko udal hauteskundeetan EAJren zerrendaburua izan zen. Alderdiak gehiengo osoa eskuratu zuen, eta Peonek alkate kargua hartu zuen. Herriko bigarren emakume alkatea bilakatu zen, Mirentxu Etxeberriaren (1983-1987) ondoren. 2015-2019 legealdian Gipuzkoako Ur Kontsortzioaren lehendakaria ere izan zen.
2019ko udal hauteskundeetan berriz ere EAJren alkategaia izan zen. Alderdiak zinegotzi bat galdu arren, alderdi bozkatuena izan zen eta Peonek alkatetza mantendu zuen PSE-EEko zinegotziaren botoari esker.
EAJren Gipuzko Buru Batzarreko burukide izandakoa da, Kultura eta Euskara arloetako arduradun.
2023ko udal hauteskundeetan ez zela EAJren alkategaia izango jakin zen 2022ko azaroan. Aldiz, foru hauteskundeetan Oria barrutiko zerrendaburu gisa aurkeztu zen. Foru hauteskundeen ondoren batzarkide gisa jardun zuen arren, 2023ko uztailean kargua utzi zuen eusko legebiltzarkide izateko, EAJren legebiltzar taldean gobernu-ardurak betetzeko egondako kargu-uzteen ondorioz.
Bizitza pertsonala
Ezkonduta dago eta lau alaba ditu. Irakurtzea eta kirola egitea gustuko ditu, gehienbat mendian ibiltzea.
Erreferentziak
- ↑ EAJ-PNV. «Olatz Peon - Tolosako Alkatetzarako Hautagia - EAJ - PNV» Euzkadi Buru Batzarra .
- ↑ EAJ-PNV. «Tolosako EAJk aho batez hautatu du Olatz Peon alkatetzarako hautagai gisa» EAJ PNV .
- ↑ «Olatz Peon bere lantaldearekin ari da Tolosarako egitasmo berria prestatzen - Tolosa» Tolosaldeko ataria .
- ↑ «Olatz Peon, Tolosako alkate berria - Tolosa» Tolosaldeko ataria .
- ↑ EAJ-PNV. «Olatz Peon Ormazabal izango da 2019ko udal hauteskundeetarako EAJ-PNVren alkategaia Tolosan» EAJ PNV .
- ↑ «Olatz Peon izango da Tolosako EAJren alkategaia, bigarrenez - Tolosa» Tolosaldeko ataria .
- ↑ «Elkarlanari dei eginez, bigarrenez hartu du aginte makila Olatz Peonek - Tolosa» Tolosaldeko ataria .
- ↑ (Gaztelaniaz) «Olatz Peon, reelegida alcaldesa en un Pleno conciliador y con alusiones al trabajo en común» El Diario Vasco 2019-06-15 .
- ↑ «Olatz Peon Gipuzkoako EAJ alderdiko zuzendaritzan - Tolosa» Tolosaldeko ataria .
- ↑ «Xarles Iturbe izango da Tolosako EAJ-PNV alderdiko alkategaia udal hauteskundeetan - Tolosa» Tolosaldeko ataria .
- ↑ «Anton Elosegi eta Olatz Peon EAJren hautagai zerrendan - Tolosaldea» Tolosaldeko ataria .
- ↑ Press, Europa.(2022-10-25). «El GBB propone a Eider Mendoza como candidata del PNV a diputada general de Gipuzkoa» www.europapress.es .
- ↑ Batzarra, Gipuzko Buru. «Gipuzkoako EAJk aho batez aukeratu ditu Eider Mendoza Ahaldun Nagusirako eta Xabier Ezeizabarrena Batzar Nagusietako presidenterako.» Gipuzko Buru Batzarra .
- ↑ Batzar, Euzkadi Buru. «Josune Escota, Ainhoa Santisteban, Olatz Peon eta Markel Aranburu, EAJ-PNVren ordezkari berriak Eusko Legebiltzarrean» Eusko Legebiltzarra .
