Quick Facts
Biography
Nizamettin Akkurt, Nizamedîn Akkurt, nivîskarek e ku di sala 1968'an de li gundê Bêkendê ku bi Misirca Sêrtê ve girêdayî ye, ji dayik bûye. Dibistanê li gund û navçeya Misircê xwendiye. Ûnîversîteyê li Stenbolê beşa Medyayê xwend, lê ji ber xetereyên jiyanî, hestên welatperwerî û şoreşgerî zanîngehê di nîvî de dihêle û tevlî gerîlla dibe. Edîtoriya kovarên weke Dengê Amed û Bergeh kiriye. Li wargeha Maxmûr di rojnameya Maxmûr Rojev de weke qunciknivîs xebitiye. Pişt re jî di sala 2004'an de ji nava refên gerîlla îstîfa xwe bi fermî daye û veqetiyaye.
Ji bilî du pirtûkên zimanê tirkî, Nizamettin Akkurt îmze avêtiye çend pirtûkan. Di nava pirtûkên wî de roman, helbest, muzîkal, pexşan û lêkolîn hene.
Nivîskar endamê Pena Kurd e. Ew bi hevjîna xwe Serpîl Kilinc re li Swedê dijî û karê xwe yê nivîskariyê berdewam dike.
Pirtûkên wî
Hinek ji pirtûkên wî ev in:
- Zagros 1 (öykü)
- Zagros 2 (öykü)
- Çîroka Du Ezîzan (helbest)
- Vejîn (helbest)
- Nivîsa Qafikên Entîke (pexşan)
- Binefşî Heyamên Veqetînê (helbest)
- Kevalên Tenişta Jiyanê (pexşan)
- Gedeyê Şîrîn(roman)
- Xwedavendên Wenda (helbest)
- Maxmûr Dişewite (lêkolîn)
- Vejîn 2 (muzîkal)
- Zimanê kurdî 1 (pirtûka dibistanê ji bo pola 2-5)
- Zimanê kurdî 2 (pirtûka dibistanê ji bo pola 6-9)
- Rastnivîsîna Kurdî (gramer-rêpîvanên rastnivîsandinê)
- Sezgiler (ṣiir-türkçe çeviri)