Nimai Mohanty

ନିମାଇଁ ମହାନ୍ତି (୧୦ ଅଗଷ୍ଟ ୧୯୫୩ - ୪ ନଭେମ୍ବର ୨୦୨୨) ଜଣେ ଓଡ଼ିଆ ସାହିତ୍ୟିକ ଓ ଗୀତିକାର ଥିଲେ । ଓଡ଼ିଆ ଚଳଚ୍ଚିତ୍ରର ଗୀତିକାର ଭାବରେ ସେ ଅଧିକ ପରିଚିତ ଥିଲେ । ସେ ପ୍ରାୟ ୩୦ରୁ ଅଧିକ ଓଡ଼ିଆ ଚଳଚ୍ଚିତ୍ର, ଟିଭି ଧାରାବାହିକ ଆଦିରେ ୩୦୦ରୁ ଅଧିକ ଗୀତ ଲେଖିଥିଲେ । ସାଗର ଗଙ୍ଗା ଚଳଚ୍ଚିତ୍ରରେ ତାଙ୍କ ଲିଖିତ ଗୀତ ଚନ୍ଦ୍ରମା ଆଗୋ ଚନ୍ଦ୍ରମା, ମେଘ ତଳେ ଲୁଚି ଯାଅନା ତାଙ୍କୁ ଲୋକପ୍ରିୟ କରାଇଥିଲା । ସେ ଉଭୟ ଓଡ଼ିଆ ଓ ଇଂରାଜୀରେ ପୁସ୍ତକ ଲେଖିଥିଲେ । ସେ ଜଣେ ସଂସ୍କୃତି ଗବେଷକ ମଧ୍ୟ ଥିଲେ । ମୟୂରଭଞ୍ଜର ଛଉନୃତ୍ୟ ଗବେଷଣା ପାଇଁ ସେ ୨୦୦୧ ମସିହାରେ କେନ୍ଦ୍ର ସଙ୍ଗୀତ ନାଟକ ଏକାଡେମୀ ସିନିୟର ଫେଲୋସିପ ଲାଭ କରିଥିଲେ । ବୃତ୍ତିରେ ସେ ଜଣେ ଆଇନଜୀବୀ ଥିଲେ ।

ନିମାଇଁ ମହାନ୍ତିଙ୍କ ପିତାଙ୍କ ନାମ ନାରାୟଣ ମହାନ୍ତି ଓ ମାତାଙ୍କ ନାମ ସୁଧା ଦେବୀ । ସେ ୧୯୫୩ ମସିହା ଅଗଷ୍ଟ ୧୦ ତାରିଖଦିନ ଜନ୍ମଗ୍ରହଣ କରିଥିଲେ । ନିମାଇଁ ମହାରାଜା ପୂର୍ଣ୍ଣଚନ୍ଦ୍ର ମହାବିଦ୍ୟାଳୟରୁ ସ୍ନାତକ ଓ ଉତ୍କଳ ବିଶ୍ୱବିଦ୍ୟାଳୟରୁ ଆଇନ ଶିକ୍ଷା ଲାଭ କରିଥିଲେ । ସେ ବାରିପଦା ଜିଲା କୋର୍ଟ ଓ ଓଡ଼ିଶା ହାଇକୋର୍ଟରେ ଓକିଲାତି କରୁଥିଲେ । ସେ ମୟୂରଭଞ୍ଜ ଆଇନ ମହାବିଦ୍ୟାଳୟରେ ଅଧ୍ୟାପକ ଏବଂ ୨୦୦୧ରୁ ୨୦୧୦ ମସିହା ମଧ୍ୟରେ ମୟୂରଭଞ୍ଜ ଜିଲା ସରକାରୀ ଓକିଲ ଭାବେ କାର୍ଯ୍ୟ କରିଥିଲେ । ଏଥି ସହିତ ସେ ଓଡ଼ିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓ ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର ଆଇନ ଉପଦେଷ୍ଟା ମଧ୍ୟ ଥିଲେ । ସେ ଉଭୟ ଆକାଶବାଣୀ କଟକ (୧୯୮୨) ଓ ଦୂରଦର୍ଶନର ସ୍ୱୀକୃତିପ୍ରାପ୍ତ ଗୀତିକାର ଥିଲେ ।

ସେ ଆଜୀବନ ଅବିବାହିତ ରହିଥିଲେ । ୨୦୨୨ ମସିହା ନଭେମ୍ବର ୪ ତାରିଖ ଦିନ ବାରିପଦାଠାରେ ତାଙ୍କର ପରଲୋକ ଘଟିଥିଲା ।

ଚଳଚ୍ଚିତ୍ର

• ପରଦେଶୀ ଚଢ଼େଇ
• ସାଗର ଗଙ୍ଗା
• ହସିବ ପୁଣି ମୋ ସୁନା ସଂସାର
• ସହର ଜଳୁଛି
• କିଏ ପୋଛିଦେବ ମା’ ଆଖିର ଲୁହ
• ମୋ କାହ୍ନୁରେ
• ଅକୁହା କଥା
• ଗୋପରେ ବଢ଼ୁଛି କଳା କହ୍ନେଇ
• ସମୟ ଖେଳୁଛି ଚକା ଭଉଁରୀ
• ଇଡିଅଟ୍
• ପ୍ରେମରୋଗୀ
• ତୁ ରାଜା ମୁଁ ରାଣୀ
• ଇସ୍କ ତୁହି ତୁ
• ଅ ଆ ଇ

ଧାରାବାହିକର ଶୀର୍ଷକ ଗୀତ

• ଗାୟତ୍ରୀ
• ପ୍ରାୟଶ୍ଚିତ
• ଓଢ଼ଣି ତଳର ଲୁହ

• ଦୂର ଅପହଞ୍ଚ ଗାଁ
• ଅବାକ୍‌ ପୃଥିବୀ
• ପୁରୁଣା ବହିର ବାସ୍ନା
• ଲଭ୍‌ ଏଣ୍ଡ ବିୟଣ୍ଡ୍‌ (ଇଂରାଜୀ ଭାଷାରେ ଲିଖିତ ଓ ସ୍ପାନିସ ଭାଷାକୁ ଅନୁବାଦିତ)

• କେନ୍ଦ୍ର ସଙ୍ଗୀତ ନାଟକ ଏକାଡେମୀ ସିନିୟର ଫେଲୋସିପ - ୨୦୦୧
• ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର - ୨୦୧୦
• ଓଡ଼ିଶା ସିନେକ୍ରିଟିକ୍ ଆସୋସିଏସନ ପୁରସ୍କାର - ୧୯୯୩
• ଚଳଚ୍ଚିତ୍ର ଜଗତ ପୁରସ୍କାର - ୧୯୯୩
• ଓଡ଼ିଶା ସରକାରଙ୍କ ସଂସ୍କୃତି ବିଭାଗଦ୍ୱାରା ପୁରସ୍କୃତ - ୨୦୦୪
• ଓଡ଼ିଶା ସିନେକ୍ରିଟିକ୍ ଆସୋସିଏସନ ପୁରସ୍କାର - ୨୦୦୫
• ଭୂମିପୁତ୍ର ସମ୍ମାନ ( ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ପ୍ରଦତ୍ତ) - ୨୦୧୯

• ଇଣ୍ଟରନେଟ ମୁଭି ଡାଟାବେସରେ ନିମାଇଁ ମହାନ୍ତି