Nikolaj Gavrilov

Гаврилов хушаматлă урăх çынсем çинчен Википедире статьясем пур.

Гаврилов Николай Федорович- 1958-мĕш çулхи авăнăн14-мĕшĕнче Канаш районĕнчи Янкăлч ялĕнче çуралнă. Раçççей паттăрĕ (2002), генерал-лейтенант - 2007.

Хĕçпăшаллă Çарта 1975-мĕш çултанпа. 1979-мĕш çулта Сызранти çар аслă училищинчен отличипе вĕренсе тухнă хыççăн Чикĕ çарĕсенче хĕсметре тăрать . Вăтам Ази Чикĕ Çар округĕнчи вертолет чаçĕсенче службăра пулнă. Вертолет командирĕ, звено командирĕ, эскадрилья командирĕ тивĕçĕсене пурнăçланă. Ми-8, Ми-24 тата Ми-26 вертолетсемпе вĕçнĕ.

1979-1987-мĕш çулсенче Афганистанри çапăçусене хутшăннă, 2000 ытла хут вĕçев тунă.

1987-1990-мĕш çулсенче Гагарин ячĕллĕ Сывлăш-Çар академинче вĕреннĕ. Ана отличипе пĕтернĕ хыççăн Вăтам Азири вертолет полкĕн командирĕн çумĕ пулнă.

1992-1999 мĕш çулсенче Федераллă чикĕ службин ăслăлăх-тĕпчев техника центрĕн ăслăлăх сотрудникĕ - аслă летчик-испытатель. 1993-мĕш çулта Громов ячĕллĕ ЛИИ çумĕнчи летчик-испытательсен шкулне пĕтернĕ.

1999-мĕш çултанпа Гаврилов Н.Ф. Федераци хăрушсăрлăх службин авиаци управленин начальникĕ.

• Раççей Паттăрĕ - 2002.
• Ленин орденĕ;
• Хĕрлĕ Çăлтăр орденĕ.
• Тăван çĕршыв умĕнчи тава тивĕçлĕ ĕçсемшĕн - III шайри.
• медальсем.
• Раççей Федерацин тава тивĕçлĕ çар летчикĕ;
• Çар летчикĕ-снайпер;
• 1-мĕш класслă летчик-испытатель.

• Янкăлч вăтам шкулне ун ятне панă, унта Гаврилов музейĕ ĕçлет.

•  Гаврилов Николай Федорович «Патшалăх паттăрĕсем» сайтĕнче

• Кун-çулĕ
• Гаврилов çинчен Янкăлч шкулĕн сайчĕнче
• Дмитрий Шпаро Гаврилов çинчен
• Янкăлчри шкул музейĕнче