Niken Anjani

Niken Anjani (lair ing Jakarta, 18 Agustus 1987; umur 32 taun) iku salah siji modhel lan aktris Indonesia.

Niken Anjani wiwit kerja ing donyaning hiduran nalika Niken mèlu casting nalika wiwitan 2007. Nalika iku, Niken Anjani mung ngeteraké kancané kang lagi casting. FTV kang judhulé Aku Bukan Cinderella iki kang dadi filem sepisanan kang dibintangi Niken Anjani. Sawisé iku, Niken Anjani éntuk tawaran dadi modhel video klip. Niken Anjani uga tau dadi modhel kanggo video klip grup band Samsons kang judhulé Penghujung Muda. Saliyané iku, Niken Anjani uga dadi bintang video klip grup band NineBall kang judhulé Hingga Akhir Waktu. Niken Anjani iku mahasiswa Jurusan Public Relations London School Jakarta. Niken banjur éntuk tawaran akting filem ing layar lebar. Niken uga tau akting ing filem Kawin Kontrak. Ing filem iki, Niken Anjani akting bareng karo Ricky Harun. Saliyané akting filem, Niken Anjani uga akting ing sinétron. Sinetron kang sepisanan dibintangi Niken Anjani ya iku sinétron kang judhulé Andra Cari Cinta. Jeneng Niken wiwit misuwur sawisé Niken akting dadi tokoh shalimar ing sinétron Terlanjur Cinta. Ing sinétron iki, Niken akting bareng karo Ririn Dwi Ariyanti lan Andrew Andika.