Quick Facts
Biography
Nicolaus von Höpken († na 1719) weer en düütschen Verwaltungsbeamten in sweedsche Deensten.
Höpke is as Söhn von Anna, borene Grube, un Nicolaus Höpke (11. Dezember 1601–30. Januar 1671) boren. De Vader is an’n 6. Februar 1649 in’n sweedschen Adel opnahmen worrn un de Familie hett denn von Höpken heten. Von Höpken weer Arvherr op dat Good Melau.
He weer von 1672 bet 1712 Greev von dat Grevengericht Oolland. Ok Drost von de Ämter Ooldklooster un Neeklooster weer he.
An’n 22. Dezember 1688 is he Hauptmann in Generalleutnant Grothusen sien Regiment worrn.
1689 hett he de Marienkark in Twielenfleet en Örgel stift.
Von Höpken hett 1668 Anna Margareta von Greiffencrantz freet. De beiden harrn de Kinner Daniel Niklas (9. März 1669–26. April 1741), Carl Otto (1672–1725), Anna Margareta, Georg Vilhelm, Johan Adolf un noch een Söhn († 1701). En annern Söhn is noch as Kind doodbleven.
Footnoten
- ↑ Gustaf Elgenstierna: Den introducerade svenska adelns ättartavlor. 1925-1936, Sied 360