Nazaret Topalian

Նազարէթ Թօփալեան (12 Մարտ 1933(1933-03-12), Պէյրութ, Լիբանան - 23 Մարտ 2016(2016-03-23), Փարիզ, Ֆրանսա), ֆրանսահայ լրագրող, գրող եւ թարգմանիչ։

Ծնած է Պէյրութ։ 1976-ին հաստատուածէ Փարիզ՝ Լիբանանի քաղաքացիական պատերազմին պատճառով:

Աշխատակցած է Պէյրութի «Արարատ», «Ազդարար», «Այգ», «Զարթօնք» օրաթերթերուն, ապա Փարիզի մէջ «Անդաստան»ին, «Աշխարհ»ին, «Յառաջ»ին եւ հուսկ՝ «Նոր Յառաջ»ին, Ամերիկայի «Նոր Օր»ին եւ «Պայքար»ին, Եգիպտոսի «Արարատ»ին: Հեղինակ է բազմաթիւ գրութիւններու զորս երբեմն տարբեր ծածկանուններով ստորագրած է հայ մամուլին մէջ: Ինչպէս նաեւ վարած է նաեւ Հայ Ընկերային Օգնութեան Ընկերակցութեան քարտուղարութիւնը (1975-1981, այն ատեն՝ Աղքատախնամ):

Երկեր

Հեղինակ է բազմաթիւ հատորներու, որոնցմէ ամէնէն ծանօթներն են․

• «Պանդոկ Հիւսիս-Արեւելք» (Փարիզ, 1983),
• «Զգացականութեամբ մեղանչելով…» (Փարիզ, 1985, հրատարակուած՝ 1998ին),
• «Գալիք ժամանակներու տեսիլք մը» (Փարիզ, 1988),
• «Արեւագալ: Գեղօն ի պատիւ Հայաստանի» (2009):

Թարգմանութիւններ

Թօփալեան նաեւ ծանօթ է իր թարգմանչական վաստակով, օրինակ՝ Ժորժ Պերնանոսի ֆրանսերէնէ թարգմանուած «Խօսակցութիւններ Քարմէլի կրօնաւորուհիներու» գործը, որ լոյս տեսած է 1998ին Փարիզի մէջ: