Nadia Nemeh Shomaly

Nadia Nemeh Shomaly (Bermeo, Bizkaia, 1979)abokatua eta politikaria da.

2023ko ekainaren 28an Bermeoko alkate bilakatu zen Euskal Herria Bilduko eta Guzan herri plataformako zinegotzien babesaz.

Bermeon jaio zen Nadia. Guraso palestinarrak ditu. Euskal Herriko Unibertsitatean zuzenbide ikasketak egin zituen. BBVAn egiten du lan gaur egun. EH Bilduko zerrendan bigarren joan zen. Oso pertsona aktiboa da Euskaditik palestinarren eskubideen aldeko ekintzetan. Aita, medikua du, duela urte asko iritsi zen Bermeoko psikiatrikoan lan egitera, familia bat sortu eta errotu zen kostaldeko herrian. Nemeh Shomaly hiru ahizpa dira eta motorren munduko maitalea da.

Nadia, Bermeoko alkate izan zen Asier Larraurik dimisioa eman ostean. EH Bilduk eta Guzan herri plataformak akordio bat lortu zuten Larrauri alkate izendatzeko, baina, hark dimisioa emanda, biindar politikoek berretsi zuten Nadia Nemeh Shomalyk ordezkatuko zuela Larrauri karguan, eta gogorarazi zuten akordio bat sinatu zutela:

«Bermeok behar duen aldaketari aurre egiteko eta helburu horrekin proiektu komunak martxan jartzeko».

2023ko ekainaren 28an EH Bilduko eta Guzan herri plataformako zinegotzien babesaz, Bermeoko alkate izendatu zuten Nadia Nemeh Shomaly koalizio abertzaleko hautagaia. Kargua hartzean eraso «sexistak eta xenofoboak» salatu zituen.43 urteko abokatuak «ozen eta argi» esan nahi izan zuen «faxistak haserretu badira, bide onean» doazela Bermeon. Nemeh Shomaly alkateak hitz ederrak izan zituen Larrauri alkate ohiarentzat:

«lankide eta lagunarentzat». «Nire neba bihurtu da, eta argi daukat, neba bidean erortzen bada, lepoan hartzen dudala eta aurrera jarraitzen dugula».