Myint Thein

မြန်မာကာတွန်းဆရာတစ်ဦးဖြစ်သူ ကာတွန်းဦးမြင့်သိန်းကို ၁၉၄၃ ခုနှစ်၊ ဇန်နဝါရီလ ၂ ရက်နေ့တွင် မွေးဖွားခဲ့ သည်။ အဖ ဦးလွန်း၊ အမိ ဒေါ်ပျော့တို့၏ သားဖြစ်သည်။ သန်လျင်ဇာတိ ဖြစ်သည်။ ကာတွန်းပညာကို မြင်ဆရာအဖြစ် ကာတွန်းဦးသန်းကြွယ်၏လက်ရာများကို လေ့လာဆည်းပူးခဲ့သည်။ ၁၉၆၂ ခုနှစ်၊ ပြည်ထောင်စုသတင်းစာတွင် ကာတွန်းများ စတင်ရေးဆွဲခဲ့သည်။ ၁၉၆၅ ခုနှစ်၊ မေလထုတ် လျှို့ဝှက်သည်းဖိုမဂ္ဂဇင်းတွင် “စံရွှေမြင့်”ကာတွန်းဇာတ်ကောင်ကို စတင်ရေးဆွဲခဲ့သည်။ စံရွှေမြင့်ဇာတ်ကောင် အမည်ဖြင့် ရေးဆွဲသော ကာတွန်းရုပ်ပြစာအုပ်များ အထူးအောင်မြင်ထင်ရှားသည်။ ယနေ့ အချိန်အထိ စာနယ်ဇင်းများတွင် ကာတွန်း၊ ဝတ္တုတို၊ ဆောင်းပါးများ ရေးသားလျက် ရှိသည်။

1. ↑ ကာတွန်းဝင်းအောင်၏ မြန်မာကာတွန်းပေါင်းချုပ်