Musa Bayramov

Musa Bayramov (Musa Xudaverdi oğlu Bayramov; 10 aprel 1901, Sisyan rayonu, Kürddərəli kəndi - 11 sentyabr 1996) — Neftçıxarma sənayesi qabaqcılı, Sosialist Əməyi Qəhrəmanı (1959), Azərbaycan SSR fəxri neftçisi (1964).

Əmək fəaliyyətinə 1920-ci ildə Balaxanı neft mədənlərində başlamışdır. Bakıda Sənaye Akademiyasını bitirmişdir(1937). 1937-ci ildən "Leninneft" Mədənlər İdarəsi 8-ci mədəninin(1971-ci ildən "Leninneft" Neft və Qazçıxarma İdarəsi 8-ci rayon mühəndis-texnoloji xidmət sahəsi) müdiri işləmişdir. AKP-nin 9-cu və 20-ci qurultaylarında AKP təftiş komissiyasının üzvü seçilmiş, SSRİ Ali Sovetinin(4-cü çağırış) deputatı olmuşdur. 3 dəfə Lenin ordeni, Oktyabr inqilabı ordeni və medallarla təltif edilmişdir.

Onun nəvəsi Bayramov Ramiz 1992-ci ildə mayın 7-dən 8-nə keçən gecə Qarabağda döyüş vəzifəsini yerinə yetirərkən şəhid olub.