Muhabbat Qosimov

Муҳаббат Қосимов (тав. 7.05.1938, ноҳияи Сариосиёи вилояти Сурхондарёи ҶШС Ӯзбекистон), номзади илмҳои педагогӣ, дотсент (1973).

Солҳои 1958–1959 муаллими мактаби №3 ноҳияи Сариосиёи Ӯзбекистон, 1959–1963 донишҷӯи Донишкадаи давлатии омӯзгории ш. Душанбе, 1964–1969 инспектори Вазорати маорифи Тоҷикистон, 1969– 1972 аспиранти кафедраи педагогика, 1972–1973 муаллими калони кафедраи педагогика, 1973–1980 дотсент ва декани факултети педагогикаи Донишкадаи давлатии омӯзгории ш. Душанбе, 1970–1980 директори филиали Донишкадаи омӯзгории ба номи Т.Г. Шевченко дар ш. Қурғонтеппа, 1980–1988 муаллими калони кафедраи педагогикаи донишкадаи омӯзгории пойтахт, 1988–1998 ходими калони илмӣ ва мудири лабораторияи педагогикаи Пажӯҳишгоҳи илмҳои педагогии Тоҷикистон буд. Аз соли 1998 ҳамчун дотсенти коллеҷи омӯзгории Донишгоҳи давлатии омӯзгории Тоҷикистон ба номи Қ.Ҷӯраев кор кардааст. Бо ифтихорномаҳои Президиуми Шӯрои Олии Тоҷикистон, Вазорати маорифи ҷумҳурӣ ва нишонҳои сарисинагии «Аълочии маорифи халқи Тоҷикистон» ва «Аълочии маорифи халқи ИҶШС» қадр карда шудааст.

• Энсиклопедияи Донишгоҳи давлатии омӯзгории Тоҷикистон ба номи С. Айнӣ