peoplepill id: muchtar-lutfi
ML
Indonesia
4 views today
4 views this week
Muchtar Lutfi
Indonesian politician

Muchtar Lutfi

The basics

Quick Facts

Intro
Indonesian politician
Places
Work field
Gender
Male
Religion(s):
Birth
Place of birth
Balingka, IV Koto, Agam, Indonesia
Death
Place of death
Makassar, South Sulawesi, Indonesia
Age
49 years
The details (from wikipedia)

Biography

Muchtar Lutfi (laia di Balingka, Agam, Sumatera Barat taun 1901 - wafaik di Makassar, Sulawesi Salatan taun 1950) adolah salah surang ulama, politisi, sarato pajuang kamardekaan Indonesia. Baliau adolah panguruih partai Pasatuan Muslim Indonesia sarato katua Partai Masyumi cabang Sulawesi.

Kahidupan

Muchtar Lutfi adolah surang Minangkabau. Ayahnyo banamo H. Abdul Latief Rasyidi, surang ulama nan pernah mamimpin surau Jambatan Basi Padangpanjang. Pado taun 1908, Muchtar dimasuak-an ka sakola nagari tigo taun di Balingka, sabalun disarahan ka Syekh Abdul Karim Amrullah untuak mampadalam ilimu agamo. Pado taun 1911, Abdul Karim Amrullah pindah ka Padangpanjang untuak maaja di surau Jambatan Basi, lalu Muchtar Lutfi-pun dibaonyo. Di surau Jambatan Basi, baliau mangambangan bakatnyo dalam bapidato jo badebat dalam masalah agamo. Kamampuannyo tu manimbuakan kapacayoan Zainuddin Labay el Yunusi, pandiri sarato pamimpin Diniyah School Padangpanjang, untuak maangkeknyo sabagai pamimpin Diniyah School cabang Sibolga. Sasudah baliak dari Sibolga, Muchtar diangkek manjadi guru di Sakola Rajo sarato OSVIA.

Katiko manjadi guru, baliau mangarang buku nan manantang pamarentahan kolonial Hindia-Balando. Dek karano itu baliau dicari dek pamarentah kolonial karano alah mangganggu katartiban umum. Barakaik bantuan gurunyo, Abdul Karim Amrullah, Muchtar Lutfi bahasil malarian diri ka Malaysia, lalu dilanjuik-an ka Mekkah jo Kairo. Di Kairo pado taun 1922, baliau basamo jo mahasiswa asa Kapulauan Nusantara lainnyo mambantuak Al-Jamiah al-Khairiyah al-Jawah. Organisasi ko batujuan untuak manyamokan visi mahasiswa tantang realitas nan tajadi di Nusantara. Pado taun 1926, basamo jo Ilyas Ya'kub baliau mambantuak Pahimpunan Panjago. Mareka-pun manabik-an majalah Seruan Al-Azhar jo Pilihan Timur, nan kaduonyo baorientasi politik.

Taun 1931, Muchtar baliak ka Sumatera Barat lalu bagabuang jo Pasatuan Muslimin Indonesia (Permi). Di partai ko, baliau diangkek sabagai Katua Dewan Propaganda Permi. Baliau-pun manaruah minat kapado pandidikan, lalu mandirian sakola padusi Normal School. Akibaik kagiatan politiknyo nan radikal, pado taun 1932 pamarentah Balando manangkoknyo lalu duo taun kudian baliau dibuang ka Boven Digoel basamo Jalaluddin Thaib sarato Ilyas Ya'kub. Baliau baru dibebasan sasudah Japang bahasil manduduak-i Indonesia pado taun 1942. Dek Balando baliau dibebasan ka Makassar sarato diangkek sabagai anggota Konstituante Nagaro Indonesia Timur. Sasudah itu baliau babaliak arah lalu mandukuang Republik Indonesia. Indak lamo kudian Muchtar diangkek sabagai katua Partai Masyumi cabang Sulawesi.

Pado taun 1950, pasukan APRIS pimpinan Andi Azis malakuan pambarontakan di Makassar. Mareka basamo pasukan KNIL maadoan razia ka rumah tokoh-tokoh nan anti-federal. Salah satunyo ka rumah Muchtar Lutfi, disinan baliau langsuang ditembak sampai tewas. Ateh jaso-jasonyo, masyarakaik Makassar maabadian namo Muchtar Lutfi pado sabuah jalan di kota Makassar, sakitar Pantai Losari.

Rujuak-an

  1. M. Shaleh Putuhena, Historiografi Haji Indonesia, LKiS, 2007
  2. Yudi Latif, Inteligensia Muslim dan Kuasa : Genealogi Inteligensia Muslim Indonesia Abad ke-20, Mizan Pustaka, 2005
  3. Rosihan Anwar, Sejarah kecil "petite histoire" Indonesia, Volume 4, Kompas, 2010
The contents of this page are sourced from Wikipedia article. The contents are available under the CC BY-SA 4.0 license.
Lists
Muchtar Lutfi is in following lists
comments so far.
Comments
From our partners
Sponsored
Muchtar Lutfi
arrow-left arrow-right instagram whatsapp myspace quora soundcloud spotify tumblr vk website youtube pandora tunein iheart itunes