Mourad Alami

مراد لعلمي (مزيود ف 11 غشت 1952 ف وجدة) هو كاتيب، صحافي، موطرجيم ؤ ؤستاد جاميعي مغريبي معروف بلي تيدافع على الدارجة وتيكتب بيها كتوبا. عندو كاريير د كتر من 35 عام كا موطرجيم، لي طرجم فيها بزاف د لكتوبا واصلين ل 300، سيرتو من لألمانية ل لعربية.

مراد لعلمي عندو دوكتورا من لجاميعة د ماينتس ف طّرجامة ب تلاتة د لوغات، لي هي لعربية، لفرانساوية ؤ لالمانية، لي خداها ف 1978. ؤ دوكتورا ف لأداب لألماني لقديم من لجاميعة د كولونيا ف 1983. ؤ دوكتورا ف لعولوم د لّوغة ؤ لبلاغة من نفس لجاميعة ف 1989.

كان ساكن لعلمي ف ألمانيا ل مدة د تلاتين عام، قبل مايقرر يرجع ل لمغريب ف مرة ف يوليوز 2008.

لمناصب لأكاديمية اللي خدا مراد لعلمي فالمسيرة ديالو كانت:

• 1983 - أستاد د لأدب لألماني ف لجامعة د محمد بن عبد الله ف فاس
• 1989 - أستاد د لأدب لألماني ف لجامعة د كولون ف ألمانيا
• 2011 - أستاد د اللغة لألمانية ف لجامعة د السويسي ف رباط

عطاه لماليك محمد ساديس وسام ستيحقاق لوطني من درجة د ضابط.

طرجم مراد العلمي كثر من 100 كتاب مابين من لألمانية ل لعربية، شي 80 كتاب من لألمانية ل لفرانساوية، ؤ ف لمجموع طرجم كتر من 300 كتاب. ؤ ألّف 250 قاصيدة د شّيعر ب لألمانية لي نشر لبعض منها ف مجلات ألمانية. ؤ طرجم عاداد د لمؤلفات لمغريبية من لعربية ل لألمانية، بحال "الخبز الحافي" ديال محمد شكري ؤ "دفنا الماضي" ديال عبد الكريم غلاب. و عاد كتب كتوبا ديالو ب الداريجة. من بين لكتوبا لي خدم عليهم:

لألمانية

• Bei den Deutschen: Eine wahre Geschichte [عند لالمان: قصة حقيقية]. Goldene Rakete. 22 فبراير 2016. ص. 88. ردمك 363980015X.
• Der Stil der literarischen Biographien bei Stefan Zweig [سّتيل ديال لبيوݣرافيا لأدابية عند شطيفان تسڤايݣ]. Peter Lang GmbH. 1 ماي 1989. ص. 429. ردمك 3631419333.
• Garten der Innenschau: Erlebnisroman [جردة د تّأمل: ريواية ديال لمغامرة]. Verlag Lebensreise. 7 غشت 2017. ص. 224. ردمك 6202496002.
• CHINA nimmt Maß: Erzählungen [شّينوا كاتاخد حسابات: معاودات]. Goldene Rakete. 17 أبريل 2018. ص. 256. ردمك 6202444290.
• Im Schein der Stille: Gedichte [ف شّعا د سّكات: قصايد]. Peter Lang GmbH. 23 أكتوبر 2019. ص. 172. ردمك 6202445602.

طرجم من لعربية ل لألمانية:

• الخبز الحافي د محمد شكري
• دفنا الماضي د عبد الكريم غلاب
• النبي د جبران خليل جبران

ؤ من لفرانساوية ل لألمانية:

• ذاكرة ملك

ب داريجة

• لـغات المغرب الحية: المغربية والأمازيغية (ب دّاريجة). مارس 2011.
• الرحيل دمعة مسافرة (ب دّاريجة). رّباط: دار أبي رقراق للطباعة والنشر. 2012. ص. 213.
• نكت عالمية بالمغربية (ب دّاريجة). دار أبي رقراق للطباعة والنشر. يوليوز 2012. ص. 150.
• مغـرب التعدد، مقالات: مجتمع، لغة، ثقافة، سياسة. دجنبر 2013. ص. 410.

طرجمات

• حكايات عالمية باللغة المغربية (ب دّاريجة) (طبعة 1). دار أبي رقراق للطباعة والنشر. 2009.
• محبة الحكمة كنز (ب دّاريجة). دار أبي رقراق للطباعة والنشر. 2010. ص. 162. ردمك 9954906304.
• مرتيات دوينو (ب دّاريجة). يوليوز 2010.
• حكايات عالمية باللغة المغربية (ب دّاريجة) (طبعة 2). دار أبي رقراق للطباعة والنشر. 2011. ص. 212. ردمك 9954303405.

• ليستة د لكتوبا ب داريجة
• محمد أمجاهد