Mokhtar Berkani

المختار الزناتي، لمعروف ب سميت الشاب لمختار لبركاني، هو موغني مغريبي كيلقبوه تا ب "ملك الرݣادة" لي هو تراث مغريبي، هو فنان عندو شي 43 ألبوم موسيقي ومئات لعراسات لي نشطهم.

تولد المختار ف 29 فبراير 1960 ف دوار أولاد عبد الرحمان إقليم بركان، وقرا غي شوية و خرج من لقراية و تبع لفن.

كانت لبديا ديالو معا لفن ف سن 15 عام، بعدما رحل ل أحفير وبقا فيها شي تسع سنين بين “لجواق” يتعلم. من بعد دخل معا مجموعت “البشارة” الغيوانية.

شهادة ديال لفنان وديع الصافي

ݣال مختار لبركاني : "وديع الصافي فاش سمع لمواويل ديالي ف برنامج مسار ف القناة الثانية، قالي أنت عندك أنماط عراقية، وأنا ما عمرني عرفت شنو هما هاد الأنماط العراقية، أنا عروبي كندير الفن غير داك الشي اللي كنسمع وكنحس بيه".