Mohsin Bin Ahamed

രണ്ടാം കേരളാനിയമസഭയിൽ കുറ്റിപ്പുറം മണ്ഡലത്തിൽ നിന്നും തിരഞ്ഞെടുക്കപ്പെട്ട ഒരു രാഷ്ട്രീയ പ്രവർത്തകനാണ് മോഹ്സിൻ ബിൻ അഹമ്മദ് (ജനനം:ഫെബ്രുവരി-1906 - മരണം: 19-04-1982). രണ്ടാം കേരളാനിയമസഭയിലെ സ്പീക്കറായിരുന്ന സീതി സാഹിബിന്റെ നിര്യാണാത്തോടനുബന്ധിച്ചുനടന്ന ഉപതിരഞ്ഞെടുപ്പിലാണ് മോഹ്സിൻ ബിൻ അഹമ്മദ് നിയമസഭാ സാമാജികനായത്.

അലിഗർ സർവ്വകലാശാലയിൽ നിന്ന് ഉന്നത വിദ്യാഭ്യാസം നേടിയ മോഹ്സിൻ വിദ്യാഭ്യാസ വകുപ്പിലാണ് ഔദ്യോഗിക ജീവിതം ആരംഭിച്ചത്. ഡെപ്യൂട്ടി ഇൻസ്പെക്ടർ ഓഫ് സ്കൂൾസ്, മലപ്പുറം ഗേൾസ് ഹൈസ്കൂളിന്റെ പ്രധാനാധ്യാപകൻ, മലപ്പുറം ഡി.ഇ.ഒ. എന്നീനിലകളിൽ പ്രവർത്തിച്ചിരുന്ന ഇദ്ദേഹം മുസ്ലീം ലീഗിനെയാണ് നിയമസഭയിൽ പ്രതിനിധീകരിച്ചത്.

അവലംബം