Quick Facts
Biography
محمد النضراني (بلأمازيغية: ⵎⵓⵃⴰⵎⴻⴷ ⵏⴷⵔⴰⵏⵉ - تولد ف 1954 ف الجبال د الريف) كتاتبي و سيناريت و رسام د لكاريكاتير ومخرج مغريبي. ّتعرف ملّي خرّج لكتاب د "لعاصمة د لورد" ف 2009 هو و عبد الرحيم لقنوسي، على التسع سنين اللي دوزو بلا ما يتحاكمو ما بين لحباسات السرية د أڭدز و قلعة مڭونة، من 12 أبريل 1976 ل 31 دجنبر 1984.
حياتو
تولد محمد النضراني ف الجبال د الريف، و بقا تمّا تا دار 9 سنين. موراها مشا مع لعائلة لخريبݣة، فين كان خدّام ابّاه ف لمكتب الشريف د لفوسفاط. من مور ما خدا لباك، مشا يقرا ف لكلية ديال لفلسفة ف الرباط، و لكن ما كمّلش قرايتو حيت قبطاتو الدولة وتّخطف لحباسات سرية ف لجنوب الشرقي د لبلاد. السباب علاش تقبط هو حيت كان مناضل د ليسار ف ديك الساعات.
ملّي كان ف لحبس، لقا النضراني واحد لمرّة طرف ديال لفاخر، ربطو مع السيور د صباطو، وبدا تيديرو ف لقهوة و يرسم بيه. هاكداك كتاشف باللي تيعجبو يرسم.
لإنتاجات ديالو
محمد النضراني عندو بزاف د لإنتاجات لمعروفة ف لمغريب، منها:
الرسوم
- التوابيت لمعقدة د لإختفاء لقسري (2005)
لكتوبا
- لأمير عبد لكريم (2008)
- لعاصمة د لورد (2009) - مع عبد الرحيم لقنوسي
لأفلام
- على خطى لفوسفاط (2018) - وثائقي
- أنوال - فيلم على عبد لكريم لخطابي - كتب السيناريو ديالو
عيون لكلام
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |