Mladen Krstevski

Младен Крстевски (роден на 25 август 1953 година во Кратово) — македонски филмски и театарски глумец и режисер.

Младен Крстевски дипломирал на отсекот за драмски глумци на Високата музичка школа во Скопје (1978). Во периодот 1978-1979 година бил член на Народниот театар во Штип. Од крајот на 1981 година работел во Народниот театар „Јордан Хаџи Константинов-Џинот” во Велес, каде што бил и директор (2002–2006) и (2017-2020). Снимил неколку филмови во сопствена продукција.

Наградуван е на Театарските игри „Војдан Чернодрински“ во Прилеп во 1979 и 1990 година. Општина Велес му ја доделила „Ноемвриската награда“ .

• Награда „Војдан Чернодрински“ (1979 и 1990)
• Награда за главна машка улога во филмот „Последниот фалцер“, Бугарија
• Награда за најдобро сценарио за филмот „Последниот фалцер“, Црна Гора
• Бронзена награда за најдобар странси филм за „Последниот фалцер“, Хјустон, Соединетите Држави
• Награда за филмот „Крчма на патот кон Европа“ на Филмски фестивал „Тупело“ во Соединетите Држави (2007)
• „Ноемвриска награда“ на Општина Велес
• Посебна награда на Меѓународниот антички фестивал „Стоби“, за претставата „Индија, Индија“
• Награда „Ристо Шишков“
• Награда за претставата „Вдовицата се мажи“ на Меѓународниот театарски фестивал во Лобна, Москва, Русија (2018)
• Награда „Петре Прличко“ (2018)
• Награда за најдобра машка улога на Меѓународниот театарски фестивал во Лобна, Москва, Русија (2023)

• Младен Крстевски на Семрежната филмска база на податоци (англиски)