Mirza Alasgar Mammadov

Mirzə Ələsgər Kərbəlayı Məmmədcan oğlu Məmmədov(1824-?) — tarzən.

Kərbəlayı Məhəmmədcanın ikinci oğlu Ələsgər 1824-cü ildə Şuşa şəhərində anadan olmuşdu. İbtidai təhsilini molla yanındaalmışdı. Sonra mədrəsədə oxumuşdu. Savadlı olduğundan dolayı mirzə ünvanı daşıyırdı.

Mirzə Ələsgər musiqiçi idi. Həm gözəl səsi vardı, həm də tar, kamança və ney çala bilirdi. Tar çalmağı Əli Şirazidən öyrənmişdi. Şuşaya döndükdən sonra sazəndə dəstəsi yaratmışdı. Onun dəstəsinə əvvəlcə xanəndə Həsənçə, sonra Şəkər oğlu Kərim, kamançaçı Qaraçı Hacıbəy, balabançı Hüseyn, qoşa nağara çalan Qapançı oğlu Kərim qoşulmuşdu.Mirzə Ələsgər Məmmədov məşhur tarzən Sadıqcanın ustadıdır.

Mirzə Ələsgərin Muxtar, Aslan, İsi adlı oğlanları vardı.

• Ənvər Çingizoğlu, Xasməhəmməd uşağı (Məmmədovlar), "Soy" dərgisi, Bakı, 2010.