Miranda

Vicente Miranda Rodríguez, Miranda, (Uviéu, 3 de xunetu de 1897; 22 de marzu de 1975, foi un cantante asturianu de tonada, componente del grupu Los Cuatro Ases.

Miranda formó parte del Orfeón Ovetense, cola voz de barítonu, onde coincidiría colos que más sero seríen compañeros de so en Los Cuatro Ases, Cuchichi, Botón y Claverol. El cuartetu caltendría la so actividá ente los años 1920 y 1941, añu nel que morrería Botón lo que llevó a la disolución del cuartetu.

Formaría parte del xuráu del primer concursu de canción asturiana del diariu Región, que tendría llugar nel Salón Babel d'Uviéu, en 1948, xunto con Cuchichi, Aquiles Sorribas y Juan Uría Ríu.

El cantante cuenta con una calle que-y dedicó l'Ayuntamientu d'Uviéu.

Crónica de la Tonada Asturiana, d'Ismael González Arias