Mian ji Noor Muhammad Jhanjanavi

میاں جی نور محمد جھجھانوی

پستہ قد، نحیف الجثہ، گندمی رنگ، اوسط درجہ کی آنکھ، لباس نیلا تہبند، گیروا کرتا، دوپلی ٹوپی۔

شیخ المُشائخ ،حضرت میاں جی نُور مُحمد جھنجھانویؒ، کے والد گرامی سیدجمال مُحمد تھے۔ آپ نجیب الطرفین اور علوی ہیں ۔41 ویں پشت پر آپ کا نسب حضرت علی مرتضی ؓ سے جا ملتا ہے۔ آپ کی نویں پُشت میں حضرت شاہ عبد الرزاق صاحب اپنے زمانے کے جیّد عُلماء اور اکابرین صوفیہ سلسلہ قادریہ میں سے ہیں وطن مولدجھنجھانہ ضلع شاملی ہے۔ سنِ ولادت 1201 ھ بمطابق 1786ُ ء ہے

آپ اگرچہ فارغ التحصیل عالم نہ تھے تا ہم دینی معلُومات اور فارسی زُبان پر آپکو کافی عبُور تھا۔ دستُور کے مُطابق پہلے قُرانِ مجید حِفظ کیا، پھر عربی اور فارسی دہلی کے مشہُور مدرسہ رحیمہ میں پڑھی، دہلی میں تاریخی مسجد زینت المساجد کے پاس پیپل والی مسجد میں قیام تھا۔

حسن پوری لوہاری، ضلع مظفر نگر میں مولانا صادق صاحب کے مدرسہ میں تعلیمی خدمات انجام دیں، قرآن اور فارسی پڑھاتے تھے۔

اولا شاہ احسان علی پٹنی سے بیعت تھے، شاہ احسان علی شیخ فرید الدین گنج شکر ؒ کی اولاد میں سے تھے۔ ان کے بعد مشہور بزرگ چشی صابری قادری بزرگ شاہ عبد الرحیم ولایتی ؒ سے بیعت ہوئے۔ انہوں نے اپنی طرف سے خلافت سے نوازا۔ اور اپنی خصوصی نگرانی میں شید احمد شہید ؒ سے بیعت جہاد بھی کروائی۔

اپنی ذات کو مخفی رکھنے اور یاد الہی میں مشغول رہنے کو ترجیح دیتے تھے۔ بڑے صاحب کرامات تھے۔

اتباع سنت میں کمال درجہ حاصل تھا۔ حتٰی کہ تیس ؔ30 سال تک تکبیر اولٰی فوت نہیں ہوئی۔

1. حاجی امداد اللہ مہاجر مکی ؒ، #حافظ ضامن شہید ،
2. شیخ محمد تھانوی وغیرہ آپ کے مشہور خلفاء ہیں۔

ساری زندگی اصلاح و ارشاد میں گُزاری۔

• حضرت شیخ نور محمد علوی جھنجھانویؒ
• حضرت شیخ سید احمد بریلویؒ
• حضرت شیخ شاہ عبد العزیز محدث دہلویؒ
• حضرت شیخ احمدشاہ ولی اللہ محدث دہلویؒ
• حضرت شیخشاہ عبد الرحیم دہلویؒ
• حضرت شیخ سید عبد اللہ واسطیؒ
• حضرت شیخ سید آدم بنوری مہاجر مدنیؒ
• حضرت مجدد الف ثانی شیخ احمد سرہندیؒ

تقریباّ 59 سال تک عالمِ اسلام کو مُنوّر کرتے رہے۔ 4۔ رمضان المُبارک1259 ھ بمطابق 1843ءجُمۃ المُبارک وِصال فرمایا۔

آپکا مِزار جھنجھانہ، احاطہ امام سید محمُود شہید بزداری منبعء فیض بنا ہُوا ہے۔