Mher Arshakyan

Մհեր Արշակյան (ծնվ. 1972, օգոստոսի 30, Երևան), հայ հրապարակախոս, բանաստեղծ, արձակագիր:

Մանկության և պատանեկության տարիներն անցկացրել է Գավառում և Մեղրիում: Ավարտել է ԵՊՀ բանասիրական ֆակուլտետը (1995): 1997 թվականին հրատարակել է առաջին գիրքը՝ «Սիրող մարդը» վերնագրով: Հետագա տարիներին տպագրել է բանաստեղծությունների և պատմվածքների «ինքնահրատ» մի քանի բրոշյուր: 2002 և 2007 թվականներին հրատարակել է «Օրագրերը»:

Աշխատել է հայաստանյան մի շարք լրատվամիջոցներում։ 1995-1998 թվականներին եղել է ՀՀՇ-ի տեղեկատվական կենտրոնի թղթակից: 1998-1999 թվականներին Հայոց համազգային շարժման (ՀՀՇ) տպագիր օրգանի՝ «Հայք» թերթի թղթակից, 1999-2005 թվականներին՝ «Ա1+» հեռուստաընկերության «Այբ-Ֆե» լրատվական գործակալության թղթակից, 2002-2005 թվականներին՝ «Այբ-Ֆե» թերթի թղթակից, 2006 թվականից`Հայաստանի հանրային հեռուստատեսության «Հայլուր» լրատվական ծրագրի թղթակից:

• Սիրող մարդը (վիպակ), Ե., Ապոլոն, 1997, 63 էջ:
• Անճառ (բանաստեղծություններ), Ե., Լուսակն, 2007, 60 էջ:
• Պատմվածքներ, Ե., ՀԳՄ հրատ., 2008, 100 էջ:
• Յանուսի օրագրերը (մտորումներ), Ե., Անտարես, 2015, 200 էջ:

• 2003-«Ռուսկայա գազետայի» հատուկ մրցանակ (Ռուսաստան)