Merab Gagnidze

მერაბ გაგნიძე (დ. 17 აპრილი, 1944, თბილისი) — ქართველი პედაგოგი და კომპოზიტორი.

მერაბ გაგნიძე დაიბადა 1944 წლის 17 აპრილს თბილისში. 1971 წელს დაამთავრა ვანო სარაჯიშვილის სახელობის თბილისის სახელმწიფო კონსერვატორიის საფორტეპიანო, ხოლო 1977 წელს საკომპოზიციო ფაკულტეტი. 1971–1972 წლებში მერაბ გაგნიძე მუშაობდა თბილისის საცირკო–საესტრადო სასწავლებელში კონცერტმაისტერად, ხოლო 1972–1977 წლებში — თბილისის მესამე სამუსიკო სკოლის ფორტეპიანოს პედაგოგად.

მერაბ გაგნიძეს შექმნილი აქვს: ოპერები – „ცეზარი“, „მეფე ლირი“, „რომეო და ჯულიეტა“, „სოლომონ–მეფის სიმღერათა სიმღერა“. მერაბ გაგნიძე არის თანამედროვე მუსიკის ყოველწლიური საერთაშორისო ფესტივალ „მოსკოვური შემოდგომის“ ჟიურის მუდმივი წევრი.

• მერაბ გაგნიძე — საქართველოს ბიოგრაფიული ლექსიკონი