Matthijs van Zwieten de Blom

De Matthijs van Zwieten de Blom (* 1970) isch en Schwiizer Pfarrer. Er isch sit em 1. Jänner 2019 Presidänt vom Pfarrkapitel vo de Reformierte Landeschile Aargau.

Er isch as gebürtige Niderländer i de Schwiiz ufgwachse und het z Züri d Matura gmacht. Vo 1990 bis 1997 het er a de Universitäte vo Amsterdam und Züri Theologii gschtudiert und vo 2001 bis 2006 a de Uni Bärn Betriibswirtschaft.

Sit em 1998 schaffed er als Pfarrer, zerscht in verschidnige Chilegmeine im Kanton Bärn, unter anderem z Linech und z Diemtige, und sit em September 2011 im Aargau, won er sini Pfarrstell in de Chilegmeind Rei het. (mit de Gmeinde Rüfenach, Villige, Remige und Würelinge und em Brugger Ortsteil Lauffohr und Siggetal-Station).

Im Oktober 2018 isch dr Matthijs van Zwieten de Blom zum Presidänt vom aargauische Pfarrkapitel gwählt worde, als Nochfolger vom Rudolf Gebhard.

• Portrait vom Matthijs van Zwieten de Blom uf de Website vom Schwiizerische Pfarrverei

1. ↑ Reformierte Kirchgemeinde Rein uf ref-rein.ch