Quick Facts
VirgoBiography
| Dëse Journalismusartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
De Mathieu-Auguste-Lambert Schrobilgen, gebuer den 20. September 1789 am Gronn, a gestuerwen de 27. Dezember 1883 zu Iechternach, war e Lëtzebuerger Affekot, Greffier op der Cour supérieure et de cassation (genannt den 19. Februar 1840), Sekretär vun der Régence (Stadschreiwer) (1820-1850), Chef de Bureau vun der Regierungskommissioun a Chef de division pour les affaires militaires. De Mathieu-Lambert Schrobilgen war donieft Museker, Schrëftsteller a Fräimaurer.
Zesumme mat dem Jacques Lamort huet hien 1826 de Journal de la ville et du Grand-Duché de Luxembourg gegrënnt. 1844 huet déi Zeitung opgehalen an hie gouf Chefredakter vum Courrier du Grand-Duché de Luxembourg vun de Bridder Metz (bis 1868).
Den 11. Januar 1816 huet de Schrobilgen sech mat der Suzanne-Marguerite François bestuet, Duechter vum Fréderic Hermann François vu Koblenz deen déi Zäit Notaire zu Lëtzebuerg war. D'Koppel hat fënnef Kanner, wouvun der zwee jonk gestuerwe sinn. Déi aner dräi waren:
- D'Anne, gebuer den 29. Januar 1819, déi sech den 2. Dezember 1854 mat dem Grof Thomas John de Mazzinghi bestuet huet.
- D'Zwillinge Fanny a Francine gebuer de 15. Oktober 1820.
D'Francine gouf den 23. Juli 1838 mat dem Chimiste Auguste Laurent bestuet, an d'Fanny den 13. September 1841 mat dem Friedrich Wilhelm Steinhardt engem Artilleriesoffizéier vu Bischofsburg deen déi Zäit an der Garnisoun zu Lëtzebuerg stationéiert war.
De Mathieu-Lambert Schrobilgen war de Grousspapp vum Paul Matthieu Hermann Laurent.
Fir un de Schrobilgen z'erënneren, gouf 1945 eng Strooss um Belair, d'Rue Schrobilgen, no him genannt.
