Quick Facts
Biography
Айыуханов Мәсғүт Баян улы (28 август 1924 — 10 март 2000) — иҡтисадсы, Башҡортостан Республикаһы фәндәр Академияһының почётлы академигы (1995), иҡтисад фәндәре докторы (1980), профессор (1982), БАССР-ҙың атҡаҙанған фән эшмәкәре (1980).
Биографияһы
Айыуханов Мәсғүт Баян улы 1924 йылдың 28 июлендә БАССР-ҙың Бәләбәй кантоны Дәүләкән волосы Яңы Айыухан ауылында тыуған.
Бөйөк Ватан һуғышында ҡатнашыусыһы.
1955 йылда Башҡортостан ауыл хужалығы институтын тамамлай. 1961 йылдан институтта эшләй, 1980 йылдан 1990 йылдарға тиклем — Башҡортостан ауыл хужалығы институтының кафедра мөдире.
Айыуханов Мәсғүт Баян улы ауыл хужалығы сәнәғәте производствоһын ойоштороу өлкәһендә эшләй. Шулай уҡ Рәсәйҙең көнсығыш төбәктәрендә май бирә торған үҫемлектәр продукцияһын етештереү һәм эшкәртеү буйынса предприятиеләрҙе рациональ урынлаштырыу, малсылыҡтың аҙыҡ базаһын нығытыу, кооперация һәм интеграцияны камиллаштырыу проблемаларын хәл итеүгә өлөш индерә.
Башҡортостан Республикаһы Фәндәр Академияһының почетлы академигы (1995), Башҡортостан Республикаһы Фәндәр Академияһының ауыл хужалығы Бүлегендә тора.
Хеҙмәттәре
Йөҙҙән артыҡ фәнни хеҙмәт авторы. Шул иҫәптән:
- Айыуханов М. Б. Көнбағыш — файҙалы культура. — Өфө, 1968.
- Айыуханов М. Б. Май бирә торған үҫемлектәр етештереү. — Өфө, 1975.
- Айыуханов М. Б. Хозрасчет в колхозах и совхозах. — Өфө, 1987.
Бүләктәре
- II дәрәжә Бөйөк Ватан һуғышы ордены (1985)
Иҫкәрмәләр
Әҙәбиәт
- Башкирская энциклопедия. — Уфа, 2007.