Marius Colombin

Marius Georges Colombin skepia a Djumet diviè 1903, et mora diviè 1977. Il a cmincî a cpôtyî l' pene e walon e 1948. Il a scrît des pîces di teyåte et des arimeas e walon. Sacwants powinmes ont stî eplaidîs el Bourdon (octôbe 1960, nôvimbe 1977). Ses pîces di teyåte ont stî djouwêyes a Djumet et a Lodlinsåt.

Tins del guere di 40, il aveut stî prijhnî 4 ans, et dmorer å stalag.

I scrijheut eto e francès.

Les sudjets d' ses powinmes estént classikes: fåves di biesses, couyonådes, powinme a s' mame, sol bouneur, sovnances di s' tins d' prijhnî å stalag, evnd. Tolminme gn a èn arimea politike, siconte di l' amnisteye po les cis k' ont fwait avou ls Almands tins del guere di 40.

Li walon, sicrît sins aveur stî a des scoles di walon, est foirt francijhî, come sovint, do costé d' Tchålerwè.

Comedeyes en èn ake

• El truk da Marta.
• A tchaeconk si toû (vådveye).
• Après l' martchî.

Comedeye e troes akes

• Èm vî pårén.

Operetes

• Årlete (e troes akes).
• Leyîz pårler vosse cour (èn ake).

• pådje da Marius Colombin so l' Aberteke