Mari Carmen Lasagabaster

Quick Facts

A.K.A.

Maria Carmen Lasagabaster Padilla

Places

Spain

was

Basque pelota player Athlete

Work field

Sports

Gender

Female

Birth

1 September 1925 People who share this birthday

Place of birth

Eibar, Spain

Star sign

Virgo People who share this birthday

Death

20 December 2011 People who died on this day

Place of death

Eibar, Spain

Age

86 years

The details (from wikipedia)

Biography

Maria Carmen Lasagabaster Padilla (Eibar, Gipuzkoa, 1925ko irailaren 1a - ib., 2011ko abenduaren 20a) euskal erraketista profesionala izan zen. Ia 50 urte bete arte jardun zuen frontoian. Pilota munduan “Amaia” izengoitiz ezaguna.

Biografia

Mari Carmenek Herri Eskolan ikasi zuen 13 urte bete arte. Ondoren umezain hasi zen. Bere ahizpa Ana Mari erraketistaren eredua jarraituz ordea, laster hurbildu zen pilota mundura.

Kirolari ibilbidea

Lehen pilotakadak ahizparekin eman zituen Eibarko Txaltxa Zelai frontoian. Ondoren Astelena pilotalekuko eskolan hasi zen, eta gero, Madrilgo Chiqui-jai frontoira joan zen, erraketista formakuntza jarraitzeko asmoz. Frontoi honetan egin zuen debuta, 1940ko urriaren 2an, 15 urte zituela.

1945ean, Bartzelonara joan zen bertako Principal Palacio frontoian jokatzera. 1955ean ezkondu egin zen, Rodolfo Giménez Pradarekin (Lizeoko eta Orkestra Sinfonikoaren klarinetista bakarlariarekin). Egoera berri horrek ostera, ez zuen jokalariaren kirol-ibilbidea eten. Jokatzen jarraitu zuen.

Maila oneko erraketista

Maila ona zuten erraketisten artean zegoen Mari Carmen, eliteko; Eugenia Iriondo, Maria Antonia Uzkudun, Agustina Otaola, Eladia Altuna, Maria Luisa Alberdi, Gloria Agirre, Lucia Areitioaurtena edota Rosa Soroa bezala. Lanaldi gogorra zuten arren, batzuetan goizez eta arratsaldez izaten baitzituzten partidak, ganorazko soldata zuten.

Luzaro kantxan jardun ondoren, ia 50 urte zituela (49 urte eta 9 hilabete), 1975. urtean, agur esan zion erraketari, Principal Palacio itxi zutenean.

Omenaldiak

2013ko ekainaren 8an Irurako Frontoian VII. Emakumea Pilotari Egunean omendu zuten, beste zenbait erraketistekin batera.

2014ko apirilean Gernika-Lumoko Euskal Herria Museoan “Emakumea eta Euskal Pilota. Mujeres y Pelota Vasca” erakusketan, emakumeak euskal pilotan izan duen presentzia gogoan izan zen, eta euren lanari merezitako omenaldia egin zitzaienen artean zegoen MariCarmen.