Marco Börries

Marco Börries (* 1 Augustus 1968) is 'n Duitse besigheidsman - ook "die Duitse Bill Gates" genoem.

Börries het op 16 jarige leeftyd as leerder aan die hoërskool Gymnasium Oedeme, die firma Star Division as 'n motorhuisbesigheid in Lüneburg gestig. Hy het dit gedoen nadat hy as 'n uitruilleerder in die Silicon Valley, VSA gewoon het. Hy het die sagtewarepakket StarWriter (StarOffice) as 'n alternatief vir die kantoorpakket van Microsoft ontwikkel. Meer as 25 miljoen eenhede van StarOffice is reeds verkoop. Op 5 Augustus 1999 het hy Star Division vir 70 miljoen VSA-dollar aan die firma Sun Microsystems verkoop en het ook 'n kort tydperk vir die maatskappy gewerk.

Marco Börries het in Augustus 2001 die firma VerdiSoft gestig. Die firma het die nuwe tegnologie YahooGo ontwikkel is. Die sagteware het die soek na rolprente op die Internet moontlik maak. Die firma VerdiSoft en die tegnologie is in Februarie 2005 aan Yahoo! verkoop, waar hy sedertdien as Executive Vice President of Connected Life werksaam is.

• (de) Marco Börries – 'n motorhuisgeskiedenis uit Lüneburg (eine Garagengeschichte aus Lüneburg)