Manuel Celso Matalobos

Licenciado en Filoloxía Galego-Portuguesa pola Universidade de Santiago de Compostela. Catedrático de lingua galega e literatura no IES Lucus Augusti, centro no que exerce actualmente como xefe de Departamento de Lingua e Literatura Galega, sobre o que leva publicado numerosos traballos de carácter multidisciplinar. Foi tamén profesor de Didáctica no ICE da Universidade de Santiago, coordinador provincial do Gabinete da Reforma Educativa e coordinador docente de Galego da Dirección Xeral de Política Lingüística da Xunta de Galicia.

Colabora en diversos xornais e revistas, como Dorna, Grial, O Libelo, Pazo das Musas ou Xistral. Ten coordinado edicións de textos escolares para ESO e BAC e a colección Cadernos para o ensino, e, tamén publicou varios traballos sobre autores galegos: Eduardo Pondal, Ramón Cabanillas, Antón Losada Diéguez, Castelao, Vicente Risco, Ramón Otero Pedrayo, Álvaro Cunqueiro, Celso Emilio Ferreiro e Xosé María Álvarez Blázquez.

Poesía

• Prestixio. Versos sen nicotina, 2003, Grafinco.
• Retratos literarios, 2005, IES Lucus Augusti.
• Elementos de Arquitectura Senti_MENTAL-ista, 2007, Bubela.

Ensaio

• Lugo e a lírica medieval galego-portuguesa, 1985, Concello de Lugo.
• Lingua e publicidade, 1993, Xunta de Galicia.
• Humorismo e lírica satírica, 1996, IES Lucus Augusti, vídeo.
• Olladas ó Lucus Augusti, 2003, Xunta de Galicia.
• Papel e pincel. Pintores e escultores do Instituto de Lugo, 2004, Xunta de Galicia.
• Autores do Instituto de Lugo, 2005, Xunta de Galicia.
• Xosé María Álvarez Blázquez, 2008, Concello de Lugo.

Obras colectivas

• Vocabulario galego de F. P., 1984, Celta.
• Actas do Congreso Internacional de Rosalía de Castro, 1986, Consello da Cultura Galega/USC.
• Escolma poético-musical galega, 1990, Xunta de Galicia, audio-libro.
• Os escritores lucenses arredor de Fole.
• Poemas e contos da muralla, 2001, Concello de Lugo.
• Códice Calixtino, versión en galego, 2009.
• Dicionario Galego-Latino, clasico e moderno, 2010.
• Sentimentalismo. Antoloxía de referencia. Etapa de Fundación, 2011, Bubela.

• Premio Buril das Letras Galegas en Burela, no 1986.
• Premio de Materiais Curriculares da Xunta de Galicia no 1992.
• Premio Rosalía de Castro de Cornellà no 1993.

Ligazóns externas

• Perfil do autor en Galegos